1. Rai ESTADU mak rai sira domíniu públiku no domíniu privadu;
2. Rai PRIVADU mak rai sira propriedade perfeita no hak milik;
3. Rai KOMUNIDADE KULTURAL mak rai sira propriedade informal;
4. Rai KOMUNIDADE RELIJIOZA mak rai sira domíniu públiku no domíniu privadu.
UMA IHA RDTL:
1. Uma ESTADU mak uma sira domíniu privadu;
2. Uma PRIVADU mak uma sira propriedade privada;
3. Uma KOMUNIDADE KULTURAL mak uma sira propriedade informal;
4. Uma KOMUNIDADE RELIJIOZA mak uma sira domíniu privadu.
Kona ba RAI iha RDTL
1. Rai ESTADU (domíniu privadu, pertense ba Estadu) mak rai sira SEM DONU no rai sira ne'ebé governu uza hodi halo atividade sira.
2. Rai PRIVADU (propriedade privada, pertense ba ema ida-idak) mak rai sira ne'ebé ema ida-idak (singular ka koletiva) halo nia natar, halo nia to'os, halo nia kintal no halo nia plantasaun ka nia rai-mamuk (animal luhan no animal han fatin).
3. Rai KOMUNIDADE KULTURAL (propriedade informal ka propriedade kultural, pertense ba uma-lisan nudar instituisaun kultural, la pertense ba ema ida-idak) mak rai-lisan sira, hanesan natar-lisan, to'os-lisan, kintal-lisan no platasaun-lisan, rai-lisan-mamuk (animal luhan no animal han fatin).
4. Rai KOMUNIDADE RELIJIOZA (domíniu privadu, pertense ba instituisaun relijioza) mak rai sira komunidade katólika (dioseze, parokia, konferensia, kongregasaun, fundasaun no assosiasaun), rai komunidade protestante, rai komunidade izlâmika, rai komunidade hindu no rai komunidade budha, ne'ebé komunidade sira ne'e uza hodi halo atividade sosial no edukasional (kampu disportu) ka atividade produtiva (natar ka kintal).
Kona ba UMA iha RDTL
1. Uma ESTADU (domíniu privadu, pertense ba Estadu) mak uma hirak ne'ebé governu Portugés no governu Indonézia husik hela, inklui mós uma hirak ne'ebé goveru TL rasik harii hosi 2002 to'o prezente.
2. Uma PRIVADU (direitu propriedade privada, pertense ba ema ida-idak) mak uma hirak ne'ebé ema ida-idak (singular ka koletiva) mak harii (hahú hosi tempu kolonial, tempu okupasaun no tempu independensia) hodi hela (habitasaun) ka halo servisu no atividade ruma (hanesan atividade ekonomia, edukasaun ka sosial).
3. Uma KOMUNIDADE KUTURAL (propriedade informal ka propriedade kultural, pertense ba uma-lisan nudar instituisaun kultural, la pertense ba ema ida-idak) mak uma-lisan hirak ne'ebé komunidade lokal sira harii hodi hela no mós halo aktividade kultural sira (hanesan ritu kultural ka serimónia kultural ruma).
4. Uma KOMUNIDADE RELIJIOZA (domíniu privadu, pertense ba instituisaun relijioza) mak uma hirak ne'ebé membru komunidade relijiosa (katólika, protestante, islam, hindu no budha) sira harí hodi hela no halo nia aktividade relijioza (Igreja, Kapela, Meskita, Pura, Candi), nia atividade edukasional (eskola, kolejiu no sentru formasaun) ka nia aktividade sosial (orfanatu, klinika no salaun).
Kona ba FATIN iha RDTL
1. Fatin PÚBLIKU ka espasu públiku (domíniu públiku, pertense ba Estadu) mak tasi-ibun ho nia ninin (50m), mota ho nia ninin, be-matan ho nia ninin, debu (lagoa) ho nia ninin, estrada ho nia trotoar sira, ponte sira, jardim sira, parke nasional, semitériu, jardin dos erois no sst.
2. Fatin PRIVADU ka espasu privadu (propriedade privada, pertense ba ema ida-idak) mak fatin hirak ne'ebé ema ida-idak (singular ka koletiva) hodi halo nia atividade privadu sira (hanesan: atividade emprezarial, ekonómika, industrial, edukasional ka sosial)
.
3. Fatin KULTURAL ka sítiu kultural (propriedade informal ka propriedade kultural, pertense ba uma-lisan nu'udar instituisaun kultural, la pertense ba ema ida-idak) mak fatin hirak ne'ebé komunidade lokal sira uza hodi halo ritus no serimónia kultural.
4. Fatin RELIJIOZU ka sítiu relijiozu (domíniu públiku, pertense ba instituisaun relijioza) mak fatin sira ne'ebé komuidade relijioza sira uza hodi halo ritus no serimónia relijiosa, hanesan Santuáriu, Gruta, Kalváriu no Estátua sira fatin.
OBRIGADU
