Sekretariu Estadu Formasaun Profisionál no Empregu, Rogério Araújo Mendonça, hatete, Governu liu husi Sekretáriu Estadu Formasaun Profisionál no Empregu hato’o informasaun ba publiku relasiona iha sosiál media ba ID falsu sira ne’ebé halo akuzasaun falsu.
Nia dehan, iha media sosial ema sira uza ID falsu ko’alia kona-ba sistema rekrutamentu la ho transferensia, familiárismu no kobransa ilegál iha prosesu rekrutamentu traballador.
“Nu'udar membru Governu no ha'u hatoo ba publiku katak depois simu mandatu iha tinan 2023, parte ha'u iha duni komitmentu atu servi ho fuan laran iha nasaun rai doben ida ne'e. Tanba ne’e Ha'u hatete ba publiku kona-ba problema sira ne'e espalla iha media sosial dehan hamosu rekrutamentu ne'ebé ho familiarismu no kobransa ilegál ho ha'u hanoin informasaun sira ne'e falsu," Dehan nia iha Konferensia imprensa, iha salaun PALM Center Fatuhada, Tersa (24/03).
Ho kestaun ne’e, SEFOPE husu ba publiku atu labele rona informasaun sira ne'e liu-liu ID falsu uza ema nia privasidade, no atu hatete deit sistema rekrutamentu ne'ebé SEFOPE iha.
Nia haktuir, sistema ne’e SEFOPE la’os mesak, maibé akompaña husi Governu Austrália, KAK ho PDHJ iha prosesu rekrutamentu ba Timor-oan sira, tán ne’e atu hatete ba publiku katak sistema ida ne'ebé di’ak tebes.
Iha tinan anterior uza sistema manual, maibé hahú tinan 2024 to’o 2026 uza sistema eletróniku, husi sistema ida-ne'e garante katak transparénsia iha sistema rekrutamentu.
“Agora ami halo falla ruma publiku sira hatene signifika Governu Austrália halo xamada mai SEFOPE,” Tenik nia.
Maibé buat la’o diak, tan ne’e foin lalais ne'e Governu Austrália apoiu karreta mai SEFOPE ho finansiamentu atu halo rekrutamentu ba formador sira iha Munisipiu sira no mos sira seluk.
Nia reforsa, SEFOPE husu publiku katak Kandidatu Timor-oan balun ho lamentasaun balun liu-liu aktus no la senti satifas kona-ba sistema rekrutamentu ho evidensia ruma hatete rekrutamentu familiarismu ho kobransa ilegál ruma bele lori ba to’o iha Ministériu Públiku.
“Ha'u dehan ba maluk Timor-oan sira hotu asesu iha transmisaun ida ne'e, no ha'u nu'udar membru Governu salva iha Imunidade nia okos no mos hau la halo abrigu iha Parlamentu Nasionál," Nia husu.
Nia informa, bainhira Kandidatu Timor-oan sira ba hato’o keixa ruma iha Ministériu Publiku, wainhira indetifika katak SEFOPE halo erru ruma, nia prontu ba presta deklarasaun iha Ministériu Publiku.
Kona-ba malae servisu iha SEFOPE, nia esplika, nia servisu Diresaun Nasional Empregu Estranjeiru involve husi Pacific Labour Mobility Support Programm.
“Ne'ebé DFAT nia programa ida hodi serbisu hamutuk ho Diresaun Nasionál Empregu Estranjeiru ne'e rasik, agora públiku sira dehan ha'u ho Malae no Diretór hola dezisaun,” Kata nia.
Nia fundamenta, hanoin serbisu ba rai ida ne’e no eróis sira kuazé 200 mill ital, sira hatene no serbisu transparénsa oinsá serbisu ho diak hodi serbi povu di’ak.
