Items filtered by date: Kuarta, 01 Outubru 2025

DILI: Ministru Justisa, Sérgio Hornai hatete, estabelesimentu sentru rehabilitasaun juvenil ne'ebé governu halo iha Tibar sei konklui iha tinan 2026.

DILI: Core Group Transparency Timor-Leste (CGT-TL) konsidera Governu liu husi Ministériu Solidariedade Sosiál no Inklusaun (MSSI) fo atendimentu ba ema ho defisiensia sira iha fatin públiku seidauk másimu.

DILI: Sosiédade sivil liu husi Asia Justice And Rights (AJAR) husu Parlamentu Nasionál no Governu aloka Orsamentu Jerál Estadu (OJE) 2026 ne'e ba setór estratéjiku sira hanesan setór edukasaun, saúde, agrikultura, turizmu no mós infraestrutura báziku, maibé redusaun iha kapitál sosiál sira ne'ebé la lori retornu, inklui viajen sira.

DILI: Governu liuhusi reuniaun Konsellu Ministru, aprova Proposta Orsamentu Jerál Estadu ba tinan 2026 (OJE 2026), ne’ebé aprezenta hosi Ministra Finansas Santina José Rodrigues F. Viegas Cardoso, ho montante globál konsolidadu dolar amerikanu biliaun 2,291.

Orsamentu ne’e prevee dolar amerikanu biliaun 2,215 ba Administrasaun Sentrál no dolar amerikanu millaun 60 ba Rejiaun Administrativa Espesiál Oe-Kusi Ambenu (RAEOA), ne’ebé dolar amerikanu millaun 30 mai hosi reseita rasik. Seguransa Sosiál iha orsamentu dolar amerikanu millaun 170, ne’ebé dolar amerikanu millaun 46 mai hosi reseita rasik.

"Proposta OGE 2026 tuir estratéjia Governu Konstitusionál IX no Planu Estratéjiku Dezenvolvimentu 2011-2030, hodi kanaliza rekursus atu hametin kapitál sosiál, investe iha infraestrutura, diversifika ekonomia no hametin boa governasaun", deklara KM liuhusi Komunikadu Inprensa ne'ebé jornál Independente asesu, Tersa (30/09).

Kona-ba perspetiva makroekonómiku ba tinan 2026, Governu projeta kreximentu PIB nian ho 4,5%, ne'ebé sustenta hosi aumentu iha konsumu privadu no investimentu públiku, no inflasaun média anuál ne'ebé estabiliza besik 1,2%, hafoin tuun ba 0,5% iha tinan 2025.

Medida orsamentál prinsipál sira mak, setór sosiál, millaun US$74,2 ba saúde (inklui millaun US$55,9 ba kuidadu saúde primáriu no millaun US$4,5 ba reabilitasaun no konstrusaun ospitál sira), millaun US$35,8 ba edukasaun (ho reforsu ba Programa Merenda Eskolár, konstrusaun no reabilitasaun ba sala-de-aula, reforma kurrikulár no formasaun profesores) no millaun US$180,4 ba protesaun sosiál (ne’ebé millaun US$170 ba Seguransa Sosiál no millaun US$10,4 ba programa Bolsa da Mãe hodi apoia primeira infánsia).

Setór infraestruturas, millaun US$436 ba kapitál dezenvolvimentu, ho millaun US$300 aloka ba fundu infraestruturas, millaun US$107 ba liñas ministeriais no millaun US$29 ba munisípiu sira. Inklui mós millaun US$223,4 ba enerjia (hodi habelar no moderniza rede elétrika nasionál, estudus kona-ba infraestruturas petrolíferas no dezenvolvimentu projetu Tasi Mane) no millaun US$20,2 ba agrikultura (hodi reabilitasistema irrigasaun no medidas atu promove aumentu produtividade agríkola no mekanizasaun nian).

Setór ekonómiku, millaun US$32,1 ba apoiu emprezas mikro, ki’ik no média no kooperativas no mós promove esportasaun ho produtu ne’ebé kualidade, millaun US$4,3 hodi apoia medidas iha área komérsiu no indústria, liuliu ba hametin lojístika, promove investimentu estranjeiru no sustentabilidade industriál, millaun US$104,7 ba setór petrolíferu, inklui esplorasaun ba bloku foun petrolíferus no minerais, estudus ba projetu Tasi Mane, no dezenvolvimentu petrolíferu; millaun US$5,2 ba kriasaun sentrus turístikus hodi apoia Programa Nasionál Promosaun.

Setór Institusionál e boa governasaun, prevee millaun US$12,7 atu hametin diplomasia no garante kumprimentu rekizitu adezaun ba ASEAN, millaun US$16,2 atu reforsa setór justisa, millaun US$37,1 atu apoia prosesu desentralizasaun no modernizasaun jestaun finanseira públika no millaun US$6,2 ba reforma funsaun públika no formasaun funsionárius.

DILI: Ministru Justisa, Sergio Hornai hatete, nia parte sei la admite atividade ilisitiu sira ezisté iha Timor-Leste, ne’e duni husu ba se de'it mak envolve iha kazu sira hanesan jogu online tenke responsabiliza nia aktu.

DILI: Ministru Interior (MI), Francisco da Costa Guterres, hatete, sira seidauk hatun despaisu hodi dada Polísia Nasionál Timor-Leste (PNTL) ne'ebé mak dadaun ne'e fo seguransa ba eis titular sira.

DILI: Sosiédade sivil liuhusi Asia Justice And Rights (AJAR) la konkorda ho ideia husi Institutu Defeza ba Diretu Labarik (INDDICA) sei apoiu osan US$500 ba família ne'ebé oan faan sasan iha dalan, maibé solusaun mak aproximasaun nafatin ho inan-aman sira katak labarik sira tempu ba eskola, tempu ba aprende.

DILI: Asaun manifestasaun durante loron tolu ne’ebé konsege lori ‘vitoria’ kontinua lakan iha sosiadade ninia fuan. Asaun hodi hetan justisa sosial ne’e sei kontinua ho asuntu sira seluk. Asuntu ne’ebé tama ona ajenda mak salariu ba asesor sira no salariu minimu.

DILI: Dokumentu kontratu ba projetu Fornesimentu Servisu Limpeza no Lavandaria Ministériu Saude nian hatudu aumentu orsamentu ne’ebé drástiku, husi $187,195 iha 2024 sa’e ba $410,400 iha 2025, ka sa’e pursentu 119. Ezemplu simples ida, folin deterjente Rinso ne’ebé sa’e husi $2,400 ba $9,600 ba tinan ida, hamosu deskonfiansa ba pratika mark-up.