Governu Impresta Osan Dada Kadoras Mai TL
DILI: Primeiru Ministru Taur Matan Ruak deklara, governu sei uza orsamentu imprestimu hodi dada kadoras mai Timor Leste.
Deklarasaun PM Taur ne'e responde mós ba pergunta husi Prezidente Repúblika Francisco Guterres Lu Olo kona-ba orsamentu atu dada kadoras mai TL.
Fulan 4 Asidente Trafégu 309, Na'in 9 Mate
DILI : Tuir dadus husi Departamentu Tranzitu Nasional PNTL, durante fulan haat (4) nia laran, hahú husi fulan Janeiru to'o Abril, mosu kazu asidente trafégu hamutuk 309. Husi kazu ne'e ema na'in sia (9) mak mate.
Diretór Departementu Tranzitu Nasionál Inspetór Xefe Polísia, António Soares hatete, iha fulan Janeiru to'o Abril, Dpartementu Tranzitu Nasionál rejistu asidente rodaviária hamutuk 309 kazu. Entre kazu ne’e ema na'in 9 mak mate.
DILI: Deputadu na’in 11 ne’ebé tama ekipa Komisaun Inkéritu Parlamentár (KIP), kada loron ida simu osan perdiem $80 kada loron ba ema ida. Maski nune’e, servisu ikus husi ekipa ne’e nulu tanba mosu ‘konflitu interese’.
DILI: Komisaun A Parlamentu Nasionál ne’ebé simu notifikasaun husi Ministériu Públiku (MP) relasiona ho kazu deputadu Francisco Kalbuadi Lay konsidera notifikasaun MP la tuir nia dalan.
Iha 18 Marsu liu ba, MP hato’o notifikasaun ba Parlamentu Nasionál (PN) atu autoriza eis Ministru Turizmu no atual deputadu bankada CNRT, Kalbuadi, ba presta deklarasaun iha MP nuudar arguidu.
May Day: Parabéns husi PR Lu Olo no Promesa Hasa’e Salariu husi SEFOPE
DILI: Iha loron trabaladór internasionál ne’ebé baibain hanaran “May Day” ne’ebé monu iha loron 1 Maiu, Prezidente Repúblika Francisco Guterres Lu Olo fó parabéns ba trabaladór hotu-hotu iha mundu. Enkuantu mosu promesa husi Sekretariu Estadu Formasaun Profesional no Empregu (SEFOPE) atu hasa’e salariu minimu ba trabaladór iha Timor Leste.
DILI:Sekretariu Estadu Formasaun Profesional no Empregu (SEFOPE) kompromete iha tempu badak nia laran sei hasa’e salariu minimu ba trabaladór sira iha TL.
Sekretariu Estadu Julião da Silva hatete, governu iha ona politika atu hasa’e salariu minimu.
UNAER Ezijé Direitu ba Toos-Nain Sira
DILI:Prezidente Uniaun Agrikultura Ermera (UNAER), Alberto Guterres ezije atu entrega hikas toos-nain sira-nia rai ne’ebé kolonialista sira okupa.
“Tempu ona ita harahun kolonialista sira ne’ebé sei invade ita hodi hada’u ita-nia direitu. Ita tenke unifika ita-nia forsa hodi liberta aan husi injustisa sosial”, dehan nia.
Paradeiru Arguidu Autór Droga La Klaru
DILI: Hafoin Tribunál Munisipál Dili (TMD) aplika medida koasaun Termu Identidade Rezidénsia ba arguidu autór droga AAP, agora daudaun ninia paradeiru iha Timor-Leste sai la klaru tanba buka la hetan.
Antes ne’e, arguidu deklara ba Polisia no Tribunál katak nia hela iha Bebonuk, maibé tuir identifikasaun husi Jornál INDEPENDENTE agora daudaun arguidu ne’e la hela ona iha fatin ne’e.
CNRT, Partidu Maioria ne’ebé Sente Aan Minoria
DILI: Partidu Kongresu Nasionál Rekonstrusaun Timor Leste (CNRT) ne’ebé hetan kadeira maioria iha bloku Aliansa Mudansa ba Progresu (AMP) sente an sai nu’udar minoria tanba membru governu CNRT nian sei pendente hela.
Deputadu husu Entrega KIP ba MP no KAK
DILI: Komisaun Inkeritu Parlamentar ne’ebé forma atu halo inkeritu ba projetu 143 to’o ohin loron la konklui serbisu ne’ebé sira halo ona. Kestaun ne’e hamosu preokupasaun husi sosiadade sivil, inklui membru Parlamentu Nasionál seluk ne’ebé la tama ba KIP.
Deputadu husi bankada Partidu Libertasaun Popular (PLP), Sabino Soares “Guntur” konsidera katak membru KIP komete mal administrasaun no mal gastus.
More...
DILI: Partidu Congresso Nacional Reconstrução Timor-Leste (CNRT) sente sai ‘vitima’ iha prosesu politika Estadu Timor-Leste iha impase politika rai laran no mós akuzadu nu’udar partidu korruptór.
Ne’e duni, CNRT hetan orientasaun husi Prezidente Partidu CNRT, Kay Rala Xanana Gusmão, hodi realiza kongresu estraordinariu iha tempu badak atu bele define sira-nia estratejia politika iha futuru.
PR Lú Olo husu: “Oinsa mak atu Dada Kadoras Mai?”
VIKEKE: Prezidente Repúblika Francisco Guterres Lú Olo hato’o pergunta boot ida kona-ba politika atu dada kadoras mai Timor Leste. Xefe Estadu ne’e husu “Oinsa atu dada kadoras mai Timor Leste?”
Baze husi lia-husu husi PR Lu Olo mak kestaun orsamentu ne’ebé presiza hodi realiza politika ida ne’e.
DILI: Prezidente Partidu Kongresu Nasionál Rekonstrusaun Timor Leste (CNRT), Xanana Gusmão rekoñese papél importante partidu FRETILIN iha prosesu luta ba Fronteira Maritima (FM) hasoru Australia.
Eis Prezidente Repúblika, eis Primeiru Ministru, no atual Reprezentante Espesiál Timor-Leste ba Kestaun Petrolífera, Xanana Gusmão hato’o kestaun ne’e liu husi ninia mensajen ne’ebé nia hato’o ba kuadrus no militante partidu CNRT iha selebrasaun aniversariu CNRT ba tinan 12 ne’ebé monu iha 27 Abril.
LH: Xefe Estadu Presiza Hatene Dokumentus Legal Sosa Asaun Conoco-Shell
Husi: Cristina Ximenes
DILI: Organizasaun Naun-governamental (ONG) La’o Hamutuk (LH) konsidera Prezidente Repúblika nu’udar aman ba nasaun presiza hatene dokumentu ofisial kona-ba sosa asaun ConocoPhillips no Shell Energy.
Koordenadór LH Celestino Gusmão hato’o kestaun ne’e relasiona ho deklarasaun husi PR Francisco Guterres Lu Olo ne’ebé hatete, nia parte to’o ohin seidauk simu dokumentus ofisial husi governu kona-ba sosa asaun ConocoPhillips no Shell Energy. Maske públiku hatene katak prosesu sosa asaun ne’e remata ona.
Independente Digital TV
Trending
Latest
Follow us on Facebook
Online Independente
Avenida Delta, Hudi Laran, Dom Aleixo
Dili, Timor-Leste
- Editor:
Jose Sarito Amaral - Saturnina da Costa
Jornalista:
Ivonia Varela
Kontaktu:
(+670) 77358204
(+670) 78579261