DILI: Konflitu rai laran hahú manas. Membru Grupu Arte Marsiál (GAM) ataka malu, tuda malu, no sunu uma. Ne’e duni, instituisaun defeza no seguransa sei prepara planu hodi hasoru ema sira ne’e ho forsa.

DILI: Deklarasaun Prezidente Parlamentu Nasionál Arão Noe ne’ebé konsidera setór produtivu la finansia estadu hamosu preokupasaun no kritika husi sosiadade sivil. Diretór Ezekutivu husi sumbriña ba ONG iha Timor Leste, FONGTIL, konsidera hanoin husi Prezidente PN nu’udar hanoin ba tempu badak nian.

DILI: Vitima ida ne’ebé nia nehan tohar tanba hetan baku ho besi kanu husi suspeitu ho inisial JL husu atu suspeitu sosa nehan falsu hodi troka nia nehan ne’ebé tohar.

DILI:  Stock foos Governu  Timor-Leste iha armazein Bebora no Tibar agora hahú menus ona.

Tuir Presidente Administrasaun Centru Lojístika Nasionál (CLN), Augusto Júnior Trindade dehan, agora daudaun foos iha armazein Bebora no Tibar foos la sufisiente ona atu halo intervensaun ba merkadu iha territóriu tomak.

“Ha’u bele hateten  foos daudaun ne’e la sufisiente ona komesa menus daudaun iha armazein  foos importasaun tonelada 10.600  maibé simu ona pedidu husi Ministériu Solidariedade Sosiál husu foos tonelada 700 no ba foos importasaun no 300 ba foos rai nune'e hela de’it tonelada 900 la sufisiente halo intervensaun ba munisípiu hotu,” dehan Agusto ba jornalista iha Mandarin Dili foin lalais ne’e,

Nia dehan, stock foos ne’e sei menus, tanba sira nia parte fahe mós foos ne’e ba Ministériu Edukasaun hodi realiza programa merenda eskolár iha territóriu TL.

Agostu dehan, agora daudaun governu sei uza hela osan duadesimu tanba ne’e osan la too atu sosa foos hodi halo intervensaun ba problema ruma karik mosu iha munisípiu.

Nia dehan, agora daudaun sira nia parte rai hela foos tonelada 500 hodi halo intervensaun ba problema.

“Ami koko rezerva foos tonelada 500 hodi halo intervensaun urjente sira,” katak nia.

Entretantu iha parte seluk, CLN mós kontinua husu ba kompañia denotasaun foos atu kontinua faan foos ho presu normal hodi labele fó impaktu ba povu ki'ik sira.