Membru Polisia Nain Ne’en Demite Ona, Barak Mak Seidauk Prosesa Featured

By Mariano Mendonça Juñu 25, 2020 2224
Ministru Paixao. Ministru Paixao.

DILI: Membru Polisia Nasiona Timor Leste (PNTL) ne’ebé antes ne’e iiha ona desizaun Ministru Interior (MI) halo ona demisaun.

“Membru Polisia PNTL nain neen ha’u hasai loos hotu tiha ona,” dehan, Ministru Interior interinu, Filomeno de Jesus Paixão, iha Palasiu Governu, horisehik.

Antes ne’e, Membru PNTL na’in ualu (8) ne’ebé Konsellu Superiór hato’o proposta atu demite, na’in rua haruka fila-fali ba Komandu Polisia no na’in neen (6) maka semana oin sei kolu farda nu’udar membru PNTL.

Ministru Interiór interinu (MI), Filomeno de Jesus Paixão hateten, na’in neen hirak ne’e envolve iha kazu Kulu-hun, Maubara, no mós kazu tranfere mina husi karreta kompañia ba fali karreta seluk no sira balu krime ne’e tenke demite. Nune’e, na’in rua kazu faltozu, entaun haruka fila ba Komandu Polisia atu hadi’a.

“Na’in neen seluk komete kazu krime ne’e semana oin sei duni sai, nia hakarak ba tribunál ka ba ne’ebé konfome sira”, dehan nia

Nia hatutan, na’in rua ne’e haruka fila para Komandu Jeral tenke cheek halo didi’ak tanba prosesu balun budu komesa 2011 to’o agora.

Tuir Filomeno, instrutor prosesu ne’e dada tiha buat ne’e to’o agora. Tanba ne’e, ba oin Komandu Jeral PNTL tenke hadi’a. 

Membru Lubuk Seidauk Prosesa

Entretanntu, Komandu Jerál PNTL rekonese loos duni membru lubuk ida mak seidauk prosesu, maibé sei kontinua hadi’a.

Komisáriu Faustino da Costa hateten, loos duni katak kazu komesa 2010 mai to’o ohin loron sei iha kazu lubuk ida mak seidauk prosesa, maibé promote sei hadi’a tanba komandu foun ninia mandatu foun hahú iha Marsu 2019.

“Ha’u hanoin previlejiu ne’e iha PNTL kazu lubuk ida sei iha neebá, tanba ne’e ita tenta hela oinsa atu hadi’a para buat ne’e labele akontese tan,” dehan nia, iha Komoro, Sábadu (13/6).

Nia dehan, Komandu Jerál sei tenta hadia ho maneira oioin, ida mak reforsa Departementu Justisa, kapasitasaun ba pessoal sira iha neebá para sira hatene oinsa halo servisu, ikus liu lakuna parte legalidade hanoin ne’e buat seluk ida komandu jerál rekomenda ba Governu.

Nia afirma, iha tinan 2018 to’o mai 2019 total kazu 200-resin, husi total ne’e foin foti nain ualu (8) haruka ba Ministru Interior no hetan ona solusaun ba kazu neen (6) no rua (2) seluk fó fila ba komandu hodi foti desizaun.

Rate this item
(0 votes)

Independente Digital TV