DILI: Kazu konfrontasaun entre grupu rua ne’ebé deskonfia husi membru arte-marsiál ne’ebé akontese iha Bairru Hudi-Laran, rezulta ema na’in tolu hetan kanek.

DILI: Vigáriu Episkopál Reevangelijasaun Dioseze Dili, Pe. Juvito do Rego hateten, Primeiru Ministru (PM), Taur Matan Ruak, presiza halo remodelasaun ba membru VIII Governu atu implementasaun programa la’o di’ak ba oin.

“Presiza (remoelasaun) duni bainhira haree dehan programa sira governu nian la la’o, maten hela iha fatin”, dehan nia, iha Palasiu Prezidensiál, Bairru-Pité, Sesta (30/11).

Nia hatutan, ema ruma la kompriende ninia mandatu ka ninia misaun ka la komportavel ho pozisaun Xefe Governu bele halo mudansa tanba programa tenke la’o ba oin.

Nia dehan, planu dezenvolvimentu ne’ebé sira halo durante tinan lima ne’e haree katak iha faze lubuk ida iha ne'ebá, faze hirak ne’e tenke to’o ona faze ne’ebé ema dehan tenke implementa ona.

Seidauk implementa buat ruma sala iha ne'ebá, ne’e duni Primeiru Ministru haree katak sala ne’e sala iha sé, sala iha rekursu umanu ka sala iha rekursu sira seluk ne’ebé hadi’a buat sira ne’e hotu inklui iha laran ne’e hadi'a mós ema.

Nia hatutan, saida maka sira promete iha kampaíña sira ne’e tenke implementa, promete tiha iha tempu kampaíña la implementa depois tanba ema sira koloka iha ne'ebá husi partidu tolu, entaun partidu ida maka sujere ninia kandidatu sira ba okupa kadeira.

Nia akresenta, kargu sira ne’ebé seidauk iha ne’e tenke prienxe ema ba tanba kargu sira ne’e hotu Hermenegildo Pereira maka sei asume hela ne’ebé Ministru balun la la’o.

La funsiona ne’e tanba kargu interinu hela de’it, ministru sira hanesan Ministru Saúde, Finansas, Turizmu, Komérsiu Indústria Estatál, Interiór, ministru lubuk ida iha ne'ebá ne’e sira laiha.

DILI: Aeroportu Internasionál Komoro tinan oin hahú konstrui. Ne'e duni, tránzitu internasionál sira muda ba Aeroportu Kay Rala Xanana Gusmão, Suai no Aeroportu Palaban, Oekusi.

DILI: Xefe Governu, Taur Matan Ruak, apoia servisu Movimentu Universitáriu Timor Leste (MUTL) halo asaun hodi kontra desizaun Parlamentu Nasionál atu sosa karreta foun ba deputadu foun sira.