DILI:Tribunal Rekursu (TR) rejeita tan keixa husi Presidente V Legislativa Parlamentu Nasionál Arao Noe de Jesus Amaral tanba asaun destituisaun meza Parlamentu Nasionál ne’e polítiku ne'ebé laos kompetensia Tribunál nian atu intervein.
PM Taur sei Lidera Membru Governu 42
DILI: Bazeia ba lei organika foun governu konstitusional daualu, sei iha membru governu hamutuk na’in 42 iha governasaun ne’ebé lidera husi Primeiru Ministru Taur Matan Ruak ne’e, kompostu husi Vise PM na’in 2, Ministru na’in 19, Vise Ministru na’in 11, no Sekretariu Estadu na’in 10.
KHUNTO: Ami Halai Ba-Mai Tanba Laiha Kondisaun
DILI:Deputadu Bankada KHUNTO, Luis Roberto da Silva hatete, CNRT hatene klean liu katak Timor-Leste adapta sistema demokrasia, tan ne’e iha liberdade ba partidu politiku hotu-hotu hodi hili dalan ne’ebé mak di’ak ba ninia futuru.
CNRT: KHUNTO-PD Halai sai Tanba Hakarak Poder
DILI: Partidu CNRT ne’ebé lidera husi Kay Rala Xanana Gusmão hanesan lakon liu tan kbiit. Hafoin KHUNTO “halai sai” husi koligasaun foun ne’ebé forma, Partidu Demokratiku (PD) mós “halai tuir”.
CNRT Duun PR Lú Olo Lori Duni Nia Ema ba Posse
DILI: Bankada Congressu Nacionál da Reconstrucão de Timor (CNRT) duun Presidente Repúblika Fransisco Guterres Lú Olo lori duni nia ema FRETILIN ba simu posse.
Vise-Prezidente Bankada CNRT, Patrocínio do Reis Fernandes hatete, Prezidente Repúblika nia objektivu foin to’o, tanba fó ona pose ba nia membru Partidu FRETILIN atu inklina an iha oitavu Governu ne’ebé lidera husi Primeiru Ministru, Taur Matan Ruak.
PR Lú Olo Nomeia Armanda Berta ba Vise PM
DILI:Presidente Repúblika Fransisco Guterres Lú Olo promulga ona Lei Orgániku foun VIII Governu Konstitusionál, ne’ebé nomeia ona Armanda Berta dos Santos (atual Ministra Solidariedade Sosial no Inkluzaun no Presidente partidu KHUNTO) ba Vise Primeira Ministra.
Prezidente Repúblika uza nia kompeténsia tuir artigu 106 númeru 2 hodi nomeia no ezonera membru Governu hafoin simu proposta husi Primeiru Ministru.
DILI: Suspeitu Corona Virus Deasses 2019 (Covid-19) ne’ebé hein rezultadu laboratóriu tuun ona.
Agora dadaun na’in sia (9) maka sei hein rezultadu.
DILI: Partidu Demokratiku (PD), kuarta ohin halo karta ofisial ba Prezidente Partidu CNRT, Kay Rala Xanana Gusmão hodi esklarese pozisaun apoia “kualker Governu” ne’ebé hetan maioria parlamentár.
Tanba ne’e posibilidade bele ‘dada an’ husi koligasaun foun lideradu husi Xanana Gusmão hodi apoiu “kualker Governu” nune’e bele aseleira desenvolvimentu nasional no konstrusaun estadu no nasaun.
PR Lú Olo Dekreta Extensaun EE Ba Datoluk
DILI:Presidente Repúblika Fransisco Guterres Lú Olo dekreta ona kontinuidade aplikasaun Estadu Emerjénsia ba periodu datoluk durante loron tolu nulu (loron 30).
DILI: Xefe Estadu Maiór Jerál Falintil-Forsa Defeza Timor-Leste (F-FDTL), Maijór Jenerál Lere Anan Timur, konsidera deklarasaun Assosiasaun Combatantes Brigada Negra (ACBN) ho Reis Kadalak ne'e krime, tanba deklarasaun sobu lider sira.
Tanba ne’e, Komandante F-FDTL husu ba Polisia Nasionál Timor-Leste (PNTL) atu kaeer Reis Kadalak ho grupu ACBN ne’e.
More...
PN Aprova Extensaun EE ba Periodu Datoluk
DILI: Parlamentu Nasionál (PN) halo ona aprovasaun ba pedidu Prezidente Repúbliku Francisco Guterres Lú Olo, hodi halo renovasaun ba periodu Estadu Emerjénsia iha Teritoriu Nasionál.
Parlamentu Nasionál liu husi votasaun nominal ba pedidu extensaun afavor 40, kontra 1 no abstensaun 0, Deputadu aujente 24. Husi rejultadu votasaun ne'e, Deputadu FRETILIN, PLP, KHUNTO afavar, Partidu Demokratiku (PD) deputadu na'in haat afavor, na'in ida Deputadu Antonio da Conceicao (Kalohan) mak kontra, no deputadu CNRT, PUDD, UDT/FM auzente.
DILI: Xefe Estadu Maiór Jenerál F-FDTL, Maijór Jenerál Lere Anan Timur fó xama atensaun ba Brigada Negra no Reis Kadalak atu labele halo deklarasaun ida hodi hafahe lider resisténsia sira.
Molok ne’e, grupu Brigada Negra no veteranu Reis Kadalak halo deklarasaun katak prontu hamutuk ho lider resistensia Xanana Gusmão hodi defende Konstituisaun no prontu atu fakar ran.
DILI:Primeiru Ministru Taur Matan Ruak nomeia hikás Faustino Cardoso Gomes ba Presidente Komisaun Funsaun Públika (KFP), maski públiku seidauk hetan esklaresimentu kona-ba naran Faustino Cardoso iha lista membru Governu foun.
DILI: Governu Korea do Sul liu husi nia Ajensia Internasional Koperasaun (KOICA) iha Dili apoiu orsamentu Dollar Amerika rihun $50 ba Governu Timor-Leste liu husi Sekretaria Estadu Protesaun Sivíl (SEPS) hodi halo prevensaun ba surtu Covid-19.
Independente Digital TV
Trending
Latest
Follow us on Facebook
Online Independente
Avenida Delta, Hudi Laran, Dom Aleixo
Dili, Timor-Leste
- Editor:
Jose Sarito Amaral - Saturnina da Costa
Jornalista:
Ivonia Varela
Kontaktu:
(+670) 77358204
(+670) 78579261