Sexta, 24 Setembru 2021 | Login
Positivu Covid-19. Positivu Covid-19.

18 Jullu: Kazu Foun Covid-19 Hamutuk 28 Featured

DILI:Sala Situasaun Sentru Inregradu Jestaun Krize (SIJK) relata ohin (18/07), ekipa konjunta saúde deteta tan kazu foun hamutuk 28.

Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo hatete, kazu foun ne’ebé deteta ohin iha Dili na’in 15, Baucau 12 no Covalima 1.

“Kazu detetadu foun ohin, iha mane na’in 18 no feto 10, ho proporsaun sintomatiku hamutuk pursentu 17,8 (17,8%),”dehan nia iha komunikadu, domingo ohin.

Nune’e, pasiente rekuperadu hamutuk na’in 55 no kazu ativu iha Sala Izolamentu hamutuk na’in 782.

Enkuantu, komulativu kazu konfirmadu sura husi loron 21 fulan-Marsu tinan 2020 to’o loron 18 fulan-Jullu 2021 hamutuk 10,128.

Husi horiseik (17/07) mai ohin teste PCR ne'ebé Laboratóriu Nasionál Saúde halo iha Dili hamutuk 390 ho detallu hanesan, Vijilansia sentinela 58, Contact tracing 9, Random Screening laiha, Viájen sai husi serka sanitária husi Dili 291, Viájen internasionál 2 no Follow up iha kuarentena hamutuk 30.

Totál testes PCR ne’ebé halo horiseik (17/07) iha Munisipiu sira seluk, RAEOA no HNGV hamutuk 206 ho detalle hanesan, Baucau 85, Ermera 29, Maliana 23, Maubisse 30, RAEOA 0, Suai 4, Vikeke 17 no HNGV 18.

Totál doze vasina ne’ebé fó ona ba populasaun elijível (tinan 18 ba leten), iha teritoriu laran tomak, to’o ohin (18/07 )dader oras 10:00 hamutuk doze dahuluk iha 250,513 (33,2%) no doze daruak iha 56,154 (7,44%).  

Entretantu, iha izolamentu Vera Crus ohin halo tratamentu ba kazu detetadu hamutuk 14, iha Obstetrisia na’in 3, Medisina interna na’in 8 no iha Sirurjia na’in 3.

 

Asistente Editor: Saturnina da Costa

Read 253 times Last modified on Domingu, 18 Jullu 2021 19:38
Rate this item
(0 votes)