Sexta, 24 Setembru 2021 | Login
Reuniaun Konsellu Ministru, lidera husi Primeiru Ministru Taur Matan Ruak. Foto Independente Reuniaun Konsellu Ministru, lidera husi Primeiru Ministru Taur Matan Ruak. Foto Independente

KM Deside Extende SS Iha Dili To’o 29 Jullu 2021 Featured

DILI:Liuhusi  reuniaun Konsellu Ministru, kuarta  ohin (14/7), deside extende tan Serka Sanitária iha Munisipiu Dili hahú oras 23:59, husi loron 14 to’o 29 fulan-Jullu tinan 2021.

Desizaun ne’e foti, hafoin halo análiza ba aprezentasaun kona-ba pontu situasaun epidemiolójika nasionál nian husi Sala Situasaun Sentru Integradu Jestaun Krize

Nune’e, bandu nafatin sirkulasaun ema sira iha munisípiu Dili no sirkunskrisaun administrativa sira-seluk, exetu iha kazu hirak ne’ebé ninia fundamentu forte tanba razaun sira seguransa públika, saúde públika, asisténsia umanitária, manutensaun ba sistema abastesimentu públiku ka razaun seluk ne’ebé presiza atu hala’o ba interese públiku nian.

Proibisaun sirkulasaun ne’e la abranje ba ema sira ne’ebé komprova ona vasinasaun kompleta (doze rua) kontra COVID-19 nian, nune’e mós ba labarik sira iha tinan neen mai-kraik ne’ebé akompaña inan-aman sira.

Delibera mós katak oras ne’e sentru sira kontrolu integradu nian, atu tama no sai husi munisípiu Dili, sei funsiona durante oras 24 loron-loron,”dehan Ministru Prezidensia Konsellu Ministru, Fidelis Leite Magalhães, iha Palasiu Governu kuarta ohin.

Entretantu ba Munisipiu Baukau no Munisipiu sira seluk livre ona husi Serka Sanitária.

Read 530 times
Rate this item
(0 votes)