Sábadu, 31 Jullu 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-07-30&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Corona Virus. Corona Virus.

20 Jullu: Kazu Foun Covid-19 Hamutuk 32 Featured

DILI: Sala Situasaun Sentru Inregradu Jestaun Krize (SIJK) relata ohin (20/07), ekipa konjunta saúde deteta tan kazu foun hamutuk 32.

Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo hatete, kazu foun ne’ebé deteta ohin iha Dili na’in 17 no Vikeke na’in 13.

“Kazu detetadu foun ohin, iha mane na’in 19 no feto 13, porporsaun kazu sintomatiku iha pursentu 3,1 (3,1%),”dehan nia iha komunikadu, tersa ohin.

Nune’e, pasiente rekuperadu hamutuk na’in 40 no kazu ativu iha Sala Izolamentu hamutuk na’in 758.

Enkuantu, komulativu kazu konfirmadu sura husi loron 21 fulan-Marsu tinan 2020 to’o loron 20 fulan-Jullu 2021 hamutuk 10,174.

Husi horiseik (19/07) mai ohin teste PCR ne'ebé Laboratóriu Nasionál Saúde halo iha Dili hamutuk 730 ho detallu hanesan, Vijilansia sentinela 9, Contact tracing 57, Random Screening 42, Viájen sai husi serka sanitária husi Dili 394, Viájen internasionál 212 no Follow up iha kuarentena hamutuk 16.

Totál testes PCR ne’ebé halo horiseik (19/07) iha Munisipiu sira seluk, RAEOA no HNGV hamutuk 168 ho detalle hanesan, Baucau 59, Ermera 1, Maliana 17, Maubisse 43, RAEOA 27, Suai 7, Vikeke 28 no HNGV 13.

Totál doze vasina ne’ebé fó ona ba populasaun elijível (tinan 18 ba leten), iha teritoriu laran tomak, to’o ohin (20/07 )dader oras 10:00 hamutuk doze dahuluk iha 252,133 (33,4%) no doze daruak iha 61,660 (8,17%). 

Entretantu, iha izolamentu Vera Crus ohin halo tratamentu ba kazu detetadu hamutuk 11, iha Obstetrisia na’in 1, Medisina interna na’in 7 no iha Sirurjia na’in 3.

Read 149 times Last modified on Kuarta, 21 Jullu 2021 22:02
Rate this item
(0 votes)