Iha semana ikus ne’e, númeru boot liu mak too nain 50 resin, enkuantu númeru kiik liu mak nain 14.
Tuir dadus neebé jornal INDEPENDENTE asesu husi Sentru Integradu ba Jestaun Krize (SIJK), iha loron 10 ikus, husi 10 too 20 Jullu 2021, númeru pozitivu kazu tuun ba beibeik.
Iha 10 Jullu, tuir relatoriu husi SIJK, iha ema nain 56 mak deteta pozitivu Covid-19. Husi númeru nee, nain 50 deteta iha kapital Dili no nain 6 husi munisipiu seluk.
Iha 11 Jullu, númeru pozitivu sae ba nain 57, nain 30 deteta iha Dili no nain 27 deteta iha munisipiu seluk.
Iha 12 Jullu, númeru pozitivu tuun too nain 38. Dili kontinua okupa númeru boot liu ho kazu 25 no kazu 14 husi munisipiu seluk.
Iha 13 Jullu, iha aumentu númeru pozitivu neebé sae too nain 44. Kazu 33 deteta iha Dili no kazu 13 deteta iha munisipiu seluk.
Iha 14 Jullu, númeru pozitivu sae hikas ba 50 resin, iha loron nee konsege sae too nain 54. Dili ho kazu 38 no kazu 16 deteta iha munisipiu seluk.
Iha 15 Jullu, númeru neebé deteta tuun ba nain 37. Kazu neebé deteta iha Dili kontinua as ho kazu 21 no kazu 16 iha munisipiu seluk.
Iha 16 Jullu, iha aumentu boot uitoan kompara ho loron antes. Kazu neebé deteta sae too nain 52. Dili ho kazu 30 no kazu 22 deteta iha munisipiu seluk.
Iha 17 Jullu, númeru mantein iha 50 resin. Iha loron nee deteta nain 51 pozitivu, kompostu husi Dili nain 37 no nain 14 iha munisipiu seluk.
Iha 18 Jullu, númeru kazu pozitivu tuun too nain 28. Husi númeru nee nain 15 deteta iha Dili no nain 13 deteta iha munisipiu seluk.
Iha 19 Jullu, númeru pozitivu neebé deteta tuun too nain 14. Ida nee nuudar númeru kiik liu iha loron 10 ikus. Husi kazu neebé deteta, nain 11 deteta iha Dili no nain 3 deteta iha munisipiu seluk.
Iha 20 Jullu, númeru pozitivu sae ba nain 32. Husi kazu nee kapital Dili kontinua kontribui númeru boot liu hamutuk 17, no kazu 15 seluk deteta iha munisipiu sira seluk.
Ho kazu pozitivu hirak nee, total kumulativu kazu konfirmadu iha Timor-Leste sae ba nain 10.174. Husi númeru nee nain 9.390 mak rekuperadu ona no kazu ativu hamutuk 758, enkuantu kazu mate hamutuk nain 26.
