Sexta, 24 Setembru 2021 | Login
Vasina Pfijer Vasina Pfijer

Governu Sei Sosa Vasina Pfizer ba Ema Idade 12 to'o 18 Featured

DILI:Governu deside sei sosa tan vasina Pfijer ba ema ho idade 12 to’o 18 hodi prevene an husi virus Covid-19 no variente seluk ne’ebé ameasa povu nia vida.

"Ohin (kuarta horsehik) Konsellu Ministru aprova mos projetu deliberasaun ida kona-ba atu sosa vasina Pfizer no korente malirin,”dehan Ministru Presidensia Konsellu Ministru Fidelis Manuel Leite Magalhães ba jornalista sira, hafoin reuniaun Konsellu Ministru, iha Palasiu Governu.

Governu mós orienta ona ministériu no instituisaun relevante sira, hanesan SAMES atu bele tau esforsu hamutuk no kordenasaun ho parseiru desenvolvimentu sira atu lalais hetan vasina Pfizer no sistema korente malirin atu lori mai Timor-Leste.

 “Objetivu vasina Pfizer ne'e atu fokus liu ba ita nia foin sae sira ne'ebé ho idade 12 to'o 18 tanba vasina ne'ebé iha reputasaun makas liu ba joven sira iha mundu mak vasina pfizer no nia efikas hasoru variante sira,"dehan Ministru Fidelis.

Nia salienta, iha ona proposta balun husi países amigu sira iha Covax kompromete atu diversifika doze rihun 100 vasina pfizer mai Timor-Leste.

“Timor-Leste nu’udar nasaun ne'ebé ho populasaun maioria joven ne'ebé ho idade 18 mai kraik, tanba ne'e Governu deiside sei sosa rasik tan vasina Pfizer hodi fó vasina ba sidadaun sira,”nia deklara.

Kona-ba orsamentu atu aloka sosa vasina Pfizer, tuir Fidelis hateten ne’e kompeténsia Ministériu Saúde nian mak bele anunsiu.

Enkuanto populasaun Timor-Leste mos dadaun simu ona vasina ho tipu astrazeneca no sinovac ne'ebé fo ona asisténsia ba populasaun maioria iha Timor-Leste.

Read 293 times Last modified on Kinta, 15 Jullu 2021 10:25
Rate this item
(0 votes)