DILI: Sidadaun na’in 18 ne'ebé konfirmadu pozitivu Coronavirus (COVID-19), na’in 15 la hatudu asintomatiku no na’in tolu maka hatudu sintomas.
Portavoz Sentru Integradu Jestaun Krize (SIJK), Rui Maria de Araujo hateten, asintomatiku katak, ema sira ne’ebé konfirmadu ona COVID-19 maibé la hatudu sintomas, mundialmente daudaun ne'e hatudu katak husi pursentu 5 to'o 80 maka la hatudu sintomas.
DILI: Sala Situasaun Sentru Integradu Jestaun Krize (SIJK), informa katak sesta-feira ohin (17/4) laiha kazu foun ba moras coronavirus (COVID-19).
Tuir dadus husi loron 10 too 17 fulan-Abril, kazu konfirmadu positivu hamutuk 18, rekooperadu na’in ida, kazu foun laiha, mate laiha, rejultadu seidauk determinadu (provavél) na’in haat (4), suspeitu 236, kazu laboratoriu (hein rejultaadu 19), no negativu 195.
DILI:Governu liu lusi reuniaun liña-ministéral aprova ona medidas ho pontus neen ne’ebé aprejenta husi MKAE bazeia ba proposta husi liña ministerial, hodi apoiu situasaun Estadu Emerjénsia atu labele mukit ba ekonomia.
DILI: Relasiona ho informasaun sira ne’ebé espalla iha media sosial halo públiku pániku no konfuzaun ho informasaun sira ne’e, maka Sentru Integradu Jestaun Krize (SIJK) husu ba públiku atu fi’ar de’it informasaun ne’ebé fó sai husi sala situasaun SIJK nian.
DILI: Pasiente pozitivu Coronavirus Deasses 2019 (COVID-19) iha fatin izolamentu la dezenvolve sintomas ne’ebé gravé tanba ne’e sira la presiza uza ventiladór.
Abitante na'in 17 mak konfirmadu positivu COVID-19 hamutuk ho provavel na'in haat (4), ne'ebe hela iha fatin izolamentu Sentru Saude Vera Cruz Dili.
INS Fó Formasaun Ba Médiku Sira Iha Munísipiu
DILI: Institutu Nasional Saúde (INS) nia ekipa formadores sira hamutuk ho Organizasaun Maluk Timor hetan apoiu husi ONG sira no parseiru dezenvolvimentu sira fó formasaun ba médiku sira iha munisipiu sira hotu.
DILI:Portavoz Sentru Integradu Jestaun Krize (SIJK), dr. Rui Maria de Araújo informa katak timor-oan ida ne’ebé hetan fali sintomas hanesan COVID-19 iha Hatulia, Ermera agora halo ona auto-kuerentina obrigatóriu iha uma.
DILI:Reuniaun liña-ministerial ne'ebé preside husi Primeiru Ministru Taur Matan Ruak ho konsensu aprova ona medidas ida atu estende tan Estadu Emerjénsia (EE) ba loron 30 hafoin fulan ne'e remata.
Tuir Ministru Reforma Legislativu Asuntu Parlamentar (MRLAP) Fidelis Manuel Leite Magalhaes hatete, estensaun Estadu Emerjénsia ne'e mai husi konsiensia liña-ministeriál ho konsensual laiha objesaun ba medidas ne'e.
"Ohin aprova ona medidas estensaun ba Estadu Emerjénsia, maibé nia prosesu la'o normal hanesan bai-bain katak, pedidu atu estende tan Estadu Emerjénsia ne'e sei liu husi Konsellu Ministru depois governu hatoo ba Prezidenti Republika i depois fila-fali mai Parlamentu Nasionál, lalaok sei hanesan ne'e," dehan Fidelis, iha Salaun Ministériu Finansas, (17/04).
Governante ne'e realsa, medidas estensaun ba Estadu Emerjénsia ne'e, ekipa teknika legal sira hahú ona servisu atu haree saida mak presiza, atu bele hato'o tan fali pedidu kona-ba estensaun ne’e hafoin Estadu Emerjénsia ida agora remata.
"Ohin iha diskusaun no desizaun kona-ba estensaun ba Estadu Emerjénsia, ohin membru komisaun halo desizaun ho konsensual katak, liña-ministerial hotu-hotu konkorda laiha objesaun ida halo hikás proposta ba estensaun Estadu Emerjénsia ba loron 30 tan,"dehan Fidelis, iha Salaun Ministériu Finansas, (17/04).
Kona-ba regra estadu Emerjénsia, tuir nia dehan, regra no regulamentu sir abele muda banhira iha nesesidade depende ba situasaun COVID-19 nian. Karik iha posibilidade bele implementa rigor liutan hodi limite direitu sidadaun nian.
Fulan-Tolu, Bebé 26 Mate iha Kabun Laran
DILI: Durante fulan-tolu hahú husi fulan-Janeiru too fulan-Marsu bebé na’in 26 mate iha inan-nia kabun laran, iha Hospital Nasional Guido Valadares (HNGV).
DILI:Númeru abitante konfirmadu positivu COVID-19, loron sesta-feira ohin nian la aumenta. Nafatin ho númeru positivu na’in 17 no rejultadu laboratoriu ne’ebé seidauk determinadu (provavél) na’in haat (4), oras ne’e iha fatin izolamentu Sentru Saúde Vera Crus Dili.
More...
SIJK Pendente Abitante Kuerentina 84 Fila ba Uma
DILI:Ekipa Mediku Laboratoriu Nasionál husi Sentru Integradu Jestaun Krize (SIJK) pendente abitante hamutuk 84 atu fila ba uma, tanba entre abitante balun hatudu fali sintomas COVID-19, hafoin kompleta loron 14.
DILI:Estrañu ba nasaun sira iha mundu luta hasoru coronavirus (COVID-19). Ema iha mundu preokupa tebes lalaok surtu COVID-19 ne’ebé habosok ema livre ona husi kurentina bele mosu fila-fali sintomas iha loron tuir mai.
Situasaun ne’e akontese dahuluk ba timor-oan ida ne’ebé foin kompleta loron 14 iha kuerentina Hotel Fortuna.
DILI: Sala Situasaun Sentru Intergradu Jestaun Krize (SIJK), informa katak kazu konfirmadu ba Corona Virus (COVID-19), iha Timor-Leste sa’e ona ba ema na’in 18.
Tuir Portavoz SIJK, Odete da Silva Viegas hatete, dadús COVID-19 iha Timor-Leste ba loron ohin nian, ema sira ne’ebé iha konfinamentu obrigatoriu hamutuk na’in 567. Pasa ka liu ona loron 14 iha kuarentena hamutuk na’in 1339.
Kazu atuál COVID-19 ba loron ohin (16/4) suspeitu hamutuk 229, provavel iha na’in haat, negativu 195, hein rezultadu na’in 12, no konfirmadu positivu aumenta na’in 10.
“Ita ohin loron iha ona kazu konfirmadu hamutuk na’in 18, ba loron ohin nian ita aumenta kazu foun 10,” dehan nia, liu husi Konferensia Impresa, iha CCD, ohin.
Odete dehan, kazu konfirmadu na’in 18, na’in ida rekoperadu. Enkuantu na’in 17 iha hela fatin izolamentu Sentru Saúde Vera Crus Dili.
Abitante sira ne’ebé positivu kontinua ho kondisaun estavel, mediku no espesialista sira oras ne’e kontinua akompana hela sira.
Tuir dadus ne’ebé Sala Situasaun Sentru Integradu Jestaun Krize (SIJK), fó sai katak timor-oan hahú afeitadu positivu ba kazu surtu COVID-19, iha loron 10 fulan-Abril 2020.
Timor-oan ne’ebé afeitadu ne’e tama iha grupu ida husi kupang, Indonesia mai fronteira-Batugade, no kontinua halo viazen mai Dili ho bis Maliana, iha loron 1 fulan-Abril 2020.
Timor-oan sira ne’e kuerentina iha Hotel Katuas hamutuk na’in 37.
Iha loron 12 fulan-Abril, estudante timor-oan na’in rua tan afeitadu positivu COVID-19. Loron tuir mai fali iha loron 13 fulan-Abril, aumenta tan na’in rua, no loron kuarta horsehik (15/4) aumenta tan na’in rua, no loron kinta ohin (16/4) aumenta tan na’in 10, maka total timor-oan ne’ebé konfirmadu positivu COVID-19 hamutuk 17.
Enkuantu, molok timor-oan sira ne’e afeitadu, iha mos ema estranjeiru ida konfirmadu positivu, maibé nia rekooperadu.
Total kazu konfirmadu positivu iha Timor-Leste hamutuk na’in 18, na’in ida rekooperadu, no
na’in 17 ne’e agora iha fatin izolamentu Sentru Saúde Vera Crus Dili.
Husu nafatin ba sidadaun hotu iha Timor laran tomak atu kontinua kumpre regra ne’ebé maka Organizasaun Saúde Mundial (OMS), fó sai ona katak, tenke fase liman bei-beik ho sabaun, kumpre distansia sosial no fiziku.
Tuir dadus Organizasaun Mundial Saúde (OMS) agora dadadun kazu Covid-19 mundial ne’e hamutuk 2.000.243 ema na’in 126.758 maka mate ona.
Nasaun Estadu Unidus Amerika (USA) maka kazu konfirmadu sei aas hamutuk 614.246 iha kazu foun 360. Total ema ne’ebé mate hamutuk 26.064.
DILI:Abitante ne’ebé afeitadu positivu surtu coronavirus (COVID-19), kada loron sempre aumenta.
Tuir dadus Sentru Integradu Jestaun Krize (SIJK), kuarta-horsehik konfirmadu timor-oan positivu na’in hitu (7) no kazu ba kinta-ohin relata konfirmadu positivu aumenta ba na’in 17.
Independente Digital TV
Trending
Latest
Follow us on Facebook
Online Independente
Avenida Delta, Hudi Laran, Dom Aleixo
Dili, Timor-Leste
- Editor:
Jose Sarito Amaral - Saturnina da Costa
Jornalista:
Ivonia Varela
Kontaktu:
(+670) 77358204
(+670) 78579261