Domingu, 05 Dezembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-12-04&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Porta Vóz Komisaun Interministerial ba vasina kontra Covid-19, Danina Coelho  hamutuk ho DJ Dezenvolvimentu Rural, Rosito Guterres, halo konferensia imprensa iha salaun MSSI Kaikoli Dili, sesta ohin (14/05). Foto:Adelaide/Independente. Porta Vóz Komisaun Interministerial ba vasina kontra Covid-19, Danina Coelho hamutuk ho DJ Dezenvolvimentu Rural, Rosito Guterres, halo konferensia imprensa iha salaun MSSI Kaikoli Dili, sesta ohin (14/05). Foto:Adelaide/Independente.

Ema Terseira Idade 9,728 Iha Dili Simu Ona Vasina AstreZeneca Featured

DILI:Sidadaun sira ne'ebe ho idade liu ona 60 (terseira idade) no ema ne'ebe hetan moras kroniku iha Kapital Dili hamutuk na’in 9,728 simu ona vasina AstreZeneca rihun 20 ne’ebé oferese husi Governu Australia.

Porta Vóz Komisaun Interministerial ba vasina kontra Covid-19, Danina Coelho hatete, iha semana ida nia laran hahú husi loron 10 halo lansamentu ba vasinasaun ne’e to’o ohin loron (14/05), ema Na’in 9,728 Iha Dili Simu Ona Vasina AstreZeneca.

Timor Leste simu husi Australia rihun 20 dozes vasinas AztraZeneca iha loron 5 fulan-Maiu tinan 2021, hanesan kompromisu hodi husi Governu Australia mai Governo Timor-Leste.

Nune’e, Ministériu Saúde lansa segunda faze ba vasina AstreZeneca atu tau prioridade ba ema ne’ebé ho tinan 60 ba leten no ema ho moras kroniku no traballadores iha liña frente sira.

Situasaun atual Covid-19 iha Dili, obriga Ministériu Saúde foti desizaun fó prioridade atu proteje populasaun iha kapital, nune’e vasina dozes rihun 20 hahú nia implementasun iha deit Dili.

“Husi loron 10 fulan-Maiu to’o horseik loron 13 fulan-Maiu, ema hamutuk 9,728 mak hetan ona vasina, ema sira ne’e besik pursentu 4,696 (4,696%) pertense ba adultu ho tinan liu 60, ema ho komorbilidade ka moras kroniku no mós pessoal saúde husi liña frente,”dehan nia iha konferensia imprensa iha salaun MSSI Kaikoli,sesta ohin (14/05).

Iha fase dahuluk populasaun Dili ne’ebé hetan vasina ona hamutuk 15,835, nune’e total kumulativo populasaun Dili ne’ebé hetan ona vasina hamutuk 25,563 (koresponde 8.590 poplusaun Dili).

Tanba ne’e iha semana ne’e, vasina hasoru Covid-19 fó iha area sira iha munisipiu Dili nian, mak hanesan, iha Komoro, Vera Cruz, Formosa, Becora, suku Bebonuk, Fatuhada, Madohi, Vila-Verde, Kaikoli, Gricenfor, Lahane Oriental, Becora, Sabuli no Metinaro.

Tuir planu, iha semana tuir mai, sei kontinua fó vasina iha suku Komoro, Bebonuk, Fatuhada, Madohi, Vila-Verde, Lahane Oriental, Kaikoli, Lahane Osidental, Kuluhun, Bidau Sta.Ana no Wenunu, no mós iha HNGV, iha sentru saúde sira iha Komoro, Vera-Cruz, Formosa, Becora no Metinaro no mós iha insituisaun balun.

Implementasaun ba vasina ne'e haktuir Planu Nasional Vasinasaun hasoru Covid-19.

“Vasinasaun hasoru Covid-19 lao hela tuir planu, no ami hein katak iha semana rua nia laran, ami sei konsege fó hotu doze rihun 20 hodi hamenus moras todan ba ema ne'ebé hetan Covid-19. Maibé atu hamenus virus Covid-19 hada'et husi ema ba ema ida, importante mak kontinua tuir medidas saúde nian hanesan fase liman ho sabaun, uza maskara no hadook-an husi ema seluk.

Iha primeira faze vasinasaun hasoru Covid-19, hahu iha loron 7 fula-Abril, iha munisipiu 13 ema hamutuk rihun 28,600 inklui pesoal saúde hamutuk rihun 8,000 no ema liu rihun 19,000 husi setor sira seluk liña  frente nian mak simu uluk liu vasina hasoru Covid-19.

Tuir planu nasiónal vasinasaun hasoru Covid-19, iha fulan sira tuir mai Timor-Leste sei sosa tan vasina, bainhira disponivel atu fó ba ema hotu ne’ebé tama iha lista atu simu vasina. Kada ema ida ho idade liu 18 sei simu vasina dala rua.

 

Asisten Editor: Saturnina da Costa

Read 1485 times Last modified on Sábadu, 15 Maiu 2021 08:54
Rate this item
(0 votes)