Domingu, 05 Dezembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-12-04&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Dadus Covid-19 ohin loron (12/05). Dadus Covid-19 ohin loron (12/05).

Atual Covid-19: Kazu Foun 133, Kazu Ativu 1.727 Featured

DILI:Sala Situasaun Sentru Integradu Jestaun Krize (SIJK), relata ohin loron 12 fulan-maio tinan 2021, ekipa konjunta saúde rezista tan kazu foun na’in 133, nune’e kazu ativu aumenta ba 1,727.

Kordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, husi kazu detetadu ohin, husi Dili na’in 117, Ermera 10, Baucau na’in 4 no Covalima ho Manufahi iha na’in 1.

“Husi totál kazu detetadu, iha mane na’in 67 no feto na’in 66, ema ne’ebé ho idade 12 mai kraik iha na’in 2, idade entre 12-59 iha na’in 127, idade 60 ba leten hamutuk na’in 4,”dehan nia liu husi komunikadu imprensa (12/05).

Ho nune’e, totál kazu detetadu foun ohin, proporsaun kazu sintomátiku hamutuk pursentu 9 (9%).

Komulativu kazu konfirmadu sura husi loron 21 fulan-marsu tinan 2020 to’o loron 12 fulan- maiu tinan 2021 hamutuk 3,628.

Nune’e dadus jeral ba loron ohin (12/05) iha kazu foun na’in 133, kazu rekuperadu na’in 129 no kazu ativu iha sala Izolamentu hamutuk 1,727.

Husi horiseik (11/05) mai ohin (12/05) teste PCR ne'ebé Laboratóriu Nasionál Saúde halo iha Dili hamutuk 966, kompostu husi Vijilánsia sentinela iha na’in 7, Rastreiu ba kontaktu (Contact tracing) na’in 103, Rastreiu Aleatoriu (Random Screening) na’in 270, Viájen sai husi serka sanitária husi Dili hamutuk 552, Viájen internasionál 7 no Follow up iha kuarentena iha na’in 27.

Total testes PCR ne’ebé halo iha loron horseik (11/05) iha munisípiu sira seluk no RAEOA, inklui Óspital Nasiónal Gúidu Valadares (HNGV) hamutuk 506 kompostu husi, Ermera iha 93, Maubisse iha 106, Suai iha 68, Maliana 33, Baucau iha na’in 83, Vikeke na’in 56 no HNGV hamutuk na’in 67.

Entretantu, ohin loron (12/05) Izolamentu Vera Cruz halo tratamentu ba kazu detetadu na'in 28 fahe ba Obstetrisia na’in 8 no Medisina interna na’in 20.

Na'in 20 iha medisina interna, na’in 4 grave nain 1 uza ventilador, na’in 1 uza CPAP, na’in 2 uza oksijéniu no 16 moderadu.

 

Asisten Editor: Saturnina da Costa

Read 905 times
Rate this item
(0 votes)