SEFOPE-UNDP Asina MoU Fasilita Juventude Iha Programa Estajíu Profesional Featured

By Camilio de Sousa Maiu 12, 2021 619
Sekretaríu Estadu Formasaun Profesional no Empregu (SEFOPE) ho reprejentante United Nations Development Programme (UNDP), asina nota koperasaun, kuarta (12/5), iha salaun SEFOPE, Kaikoli Dili. Foto Camilio de Sousa/Independente Sekretaríu Estadu Formasaun Profesional no Empregu (SEFOPE) ho reprejentante United Nations Development Programme (UNDP), asina nota koperasaun, kuarta (12/5), iha salaun SEFOPE, Kaikoli Dili. Foto Camilio de Sousa/Independente

DILI:Sekretaría Estadu Formasaun Profesional no Empregu (SEFOPE) halo kooperasaun ho United Nations Development Programme (UNDP) hodi fasilita juventudi dezembregu sira iha programa estajíu  profesional.

Tuir Sekretariu Estadu Formasaun Profesional no Empregu (SEFOPE), Alarico do Rosáriu hatete, iha koperasaun ne’e haree liu ba juventude dezempregu sira ne’ebé kada tinan aumenta, tanba laiha kampu de traballu ba sira, nune’e fó kapasitasaun ba sira hala’o estajíu iha programa profesional nian.

“Fó kapasitasatasaun hodi hasa’e koñesementu juventudi sira ne’ebé remata nia estudu iha universidade atu kontinua aumenta kapasidade, liu husi programa estajíu profesional,”dehan nia iha salaun SEFOPE, hafoin asina nota koperasaun, kuarta ohin (12/05).

Entretantu, reprezentante UNDP iha Timor-Leste, Munkhtuya Altangerel hatete, parte rua iha ona koodenasaun hodi bele implementa programa estajíu Professional ba juventudi sira.

Nia esklarese katak durante ne’e SEFOPE mak rekolla dadus kona ba joven sira ne’ebé remata estudu iha universitariu barak liu la iha servisu.

Tanba ne’e UNDP iha meius ida atu fasilita juventudi dezempregu sira liu husi formasaun estajíu profesional hodi aumenta sira nia koñesementu iha area merkadoria, nune’e bele kria kampu de traballu ba sira nia an rasik.

Formasaun estajíu profesional ne’e iha area oin-oin hanesan, Agrikultura, Turismu, Negósiu no Industria.

Estajíariu sira sei tuir formasaun bazeia ba matéria ne’ebé antes ne’e sira hili ona. Tuir órariu, formasaun ne’e realiza iha semana oin iha SEFOPE.

Nune’e, tuir dadus juventudi estajíariu sira hamutuk na’in 80 kompostu husi mane na’in 40 no feto na’in 40.

Entretantu, iha tinan 5 liu ba UNDP mós fasilita ona formasaun ba estajíariu profesional hamtuk na’in 7.000, entre sira ne’e pursentu 25 (25%) mak hetan ona servisu iha Timor-Leste.

Enkuantu, finansiamentu ne’ebé UNDP oferese ba SEFOPE hodi utiliza ba estajíu profesional dolar amerika hamutuk $500.000 ba periode tinan lima (5).

 

Jornalista: Camilio de Sousa

Asistente Editor: Saturnina da Costa

Rate this item
(0 votes)

Independente Digital TV