Tersa, 07 Dezembru 2021 | Login
Artista Juga Gama. Foto:Media Sosial. Artista Juga Gama. Foto:Media Sosial.

Artista Juga Gama Mate Ho Covid-19 Iha Izolamentu Vera Cruz Featured

DILI:Artista antigu ho naran Juga Gama (tinan 41), ohin Kinta 13 fulan-Maiu, hakotu iss iha Sala Izolamentu Vera Cruz, oras tuku 4:00 lokraik.

Tuir informasaun matebian antes ne’e baixa iha Óspital Nasiónal Gúido Valadares (HNGV) no parte saúde konfirma katak nia sofre moras dermatolojía no hetan desmaia hodi transfere ba Sentru Izolamentu hafoin konfirmadu positivu liu husi teste PCR.

Nune’e iha loron 11 fulan-Maiu, lokraik tuku 6, ekipa evakua kedas mai iha Sala Izolamentu Vera Cruz. Maibé artista foin sa’e la konsege salva nia vida no hakotu ona nia peregrinasaun iha mundu.

Matebian husik hela nia fen-kaben ho oan na’in 4.

Abito Gama maun husi matebian, hatete, bainhira simu kontaktu husi Sala Izolamentu iha oras tuku 4 liu minutu balun katak, matebian hakotu iss, nune’e nia to’o kedan iha fatin hodi haree direita.

“Ha’u hodi familia nia naran lakoalia buat barak maibé hakarak buat hotu lao di’ak no ami prontu tuir prosesu ne’ebé iha no desizaun ikus hakarak intrega mai ami familia halo tuir kostume, hafoin lori ba halo’ot iha semitériu Bekusi,”dehan nia iha Izolamentu Vera Cruz, kinta ohin (13/05).

Familia matebian hatutan, bainhira rona sira nia alin hetan ataka iha prizaun sira ba hasoru Diretor hodi hatete katak, matebian deteta mós moras Covid-19. Nune’e familia akompaña mai iha sala Izolamentu.

Entretantu, Díretor Prizaun Bekora João Domingos hatete, matebian sai iha loron tersa (11/05) mai iha klinika Bekora halo ezame ba nia moras.

Diretor ne’e hatutan, matebian durante iha prizaun nia komportamentu diak, no tuir planu iha fulan-marsu tinan oin aprezenta ba tribunal liderdade prizional atu nia bele livre ona, bainhira nia vida sei moris.

Enkuantu, ema ne’ebé mate ho Covid-19 ohin loron hamutuk na’in 3.

Nune’e tuir dadus ema na’in 8 mak mate ona ho Covid-19.

 

Asistente Editor: Saturnina da Costa

Read 1119 times
Rate this item
(0 votes)