DILI: Planu Parlamentu Nasionál (PN) hodi harii edifisiu foun no uma deputadu sira hetan reasaun kontra husi públiku. Akademista no sosiadade sivil konsidera planu ida ne’e la’os prioridade tanba maioria povu Timor-Leste ne’ebé fó sira-nia votus ba deputadu sira hodi tuur iha PN, sei moris iha liña probreza nia okos.
Rezultadu Peskiza MS: Labarik 35% iha TL Fuma Sigarru
DILI: Bazeia ba peskiza ne’ebé hala’o husi Ministériu Saúde (MS) ba fatór risku ba moras la hada’et iha Timor-Leste hatudu katak labarik ho idade tinan 13 to’o tinan 15 porsentu 35 mak fuma sigarru.
Kazu iha Baukau Vila Dada to’o Laga: Polisia Kaptura Suspeitu 1, Identifika na’in 6
DILI: Polisia Nasionál Timor-Leste (PNTL) Munisipiu Baukau konsege kaptura suspeitu na’in ida ne’ebé envolve kazu sona ema iha Baukau vila, no identifika ona suspeitu na’in 6 seluk ba kazu sunu uma iha adeia Uasilawa, Suku Nunira, Postu Administrativu Laga, Munisipiu Baukau.
Lista Subsídiu Jornalista Haruka Ona Ba MF
DILI: Lista subsidiu ba Jornalista ne’ebé identifika hala’o knar iha liña oin durante periodu estadu emerjensia iha ambitu Covid-19 haruka ona ba Ministériu Finansas.
DILI: Kompaña Santos sei fura mina matan foun tolu iha Bayu-udang hodi halo operasaun, tanba tuir estimasaun produsaun sei remata iha fulan Janeiru 2022.
Deklarasaun ne’e fó sai husi, José Lobato nu’udar Country Manager kompaña Santos hafoin hasoro malu ho Ministru Prezidensia Konsellu Ministru (MPKM), Fideles Manuel Leite Magalaens, iha Palasiu Governu.
DILI: Iha loron 8 nia laran iha inisiu fulan Agostu, hahú husi loron 4 to’o 12, asidente trafegu ne’ebé akontese iha teritoriu Timor-Leste rezulta ema na’in 6 mate, na’in 10 kanek todan, no na’in 59 kanek kaman.
DILI: Maske estudante sira ne’ebé durante ne’e hala’o estudu iha Timor-Leste ezije ba governu atu fó mós subsidiu ba sira, maibé Primeiru Ministru Taur Matan Ruak hatete katak laiha nesesidade atu estudante sira ne’e simu subsidiu.
Foos iha Armajen Governu Hela Tonelada 60
DILI: Tama iha periodu Estadu Emerjensia (EE) dahaat, governu Timor-Leste hahú hasoru problema ba stock aihan ne’ebé rai iha armajen hodi atende ba nesesidade emerjensia. Daudauk ne’e, foos ne’ebé rai iha armajen governu hela tonelada 60.
SEKOOP Sei Apoiu Karosa Ba Negosiante Ambulante
DILI: Sekretariu Estadu Kooperativa (SEKOOP), Elizario Ferreira hatete, atu hadia ekonomia povu ki’ik sira, SEKOOP sei fasilita karoza ba negosiante abulante hamutuk kuaze 400.
CNRT-KHUNTO Sujere Ema Estranjeiru Selu Kustu Kuarentena
DILI: Deputadu Bankada CNRT ho KHUNTO husu governu buka mekanizmu hodi halo implementasaun kustu ba ema estranjeiru ne’ebé tama iha kuarentena.
Deputada Bankada CNRT, Carmelita Caetano Moniz hateten, iha nasaun viziñu kazu Covid-19 aumenta hanesan Austrália no Indonézia, tanba saida mak ema estranjeiru ne’e bele tama mai hodi lori tiha moras aat tama Timor-Leste.
More...
FMTL: Adjuntu Diretór PSIK Hahú Bobar Lia
DILI: Front Mahasiswa Timor-Leste (FMTL) konsidera Adjuntu Diretór Polisia Investigasaun Kriminal Adino N. Cabral hahú bobar lia hodi soe rai rahun ba públiku nia matan atu taka hahalok la merese ne’ebé nia halo hasoru reprezentante manifestante sira.
FRETILIN Husu Governu Hadi’a Kestaun Fundu Covid-19
DILI: Bankada Parlamentár FRETILIN husu VIII Governu atu hadi’a kestaun fundu Coronavirus Disease 2019 (Covid-19) atu bele atende situasaun emerjénsia ne’ebé nasaun hasoru.
Vise-Prezidente Bankada FRETILIN, Josefa Alvares Pereira Soares hateten, ezekusaun fundu Covi-19 la’ós bankada opozisaun de’it mak kestiona.
Xefe Suku Mota-Ulun Apoiu Angela Hatun PR Lú Olo
LIKISA: Autoridade lokal husi Suku Mota-Ulun, Postu Administrativu Bazartete, Munisipiu Likisa deklara, prontu mobiliza komunidade sira hodi partisipa iha asaun ne’ebé Rezistensia Nasionál Defende Justisa no Konstituisaun RDTL organiza hodi hatun Prezidente Repúblika Francisco Guterres Lú Olo. Asaun ne’e rasik tuir planu sei hala’o iha 28 Agostu oin mai.
DILI: Sosializasaun ba komunidade sira iha suku Mota-Ulun ne’ebé partisipa husi ema na’in 46, inklui autoridade lokal sira, Angela informa kona-ba programa RNDJ-KRDTL ba asaun pasifiku hasoru PR Lú Olo.
Independente Digital TV
Trending
Latest
Follow us on Facebook
Online Independente
Avenida Delta, Hudi Laran, Dom Aleixo
Dili, Timor-Leste
- Editor:
Jose Sarito Amaral - Saturnina da Costa
Jornalista:
Ivonia Varela
Kontaktu:
(+670) 77358204
(+670) 78579261