Governu Inagura Uma Kbi'it Laek iha Suku Tolumeta

By Agustino Santos Gama Outubru 22, 2021 396
Ministru Administrasaun Estatal, Miguel de Carvalho, hamutuk ho autoridade sira inagura uma ba kbiit laek iha Suku Tolumeta, Munisipiu Aileu. Foto:Gab.MAE. Ministru Administrasaun Estatal, Miguel de Carvalho, hamutuk ho autoridade sira inagura uma ba kbiit laek iha Suku Tolumeta, Munisipiu Aileu. Foto:Gab.MAE.

DILI: Governu liu husi Ministeriu Administrasaun Estatal (MAE), inagura uma ba kbiit la’ek iha Suku Tolumeta, Postu Administrativu Laulara, Munisipiu Aileu.

“Oitavu Governu nia politika mak hakarak povu moris diak, nune’e parte ida husi moris diak mak povu tenki hela iha uma ne’ebé dignu no seguru,”dehan Ministru Administrasaun Estatal, Miguel de Carvalho, iha komunikadu ne’ebé Online INDEPENDENTE asesu, sesta ne’e (22/10).

Nune’e, Governu hahú tau matan ba sidadaun sira ne’ebé vulneravél liu no hahú harii uma ba sira.

Governante ne’e husu ba benefisiáriu sira atu kuidadu no tau matan nafatin ba uma refere , atu labele hetan estragus nune'e bele uza ba tempu naruk.

Entretantu Xefe Suku Tohumeta, Manuel Soares, hodi benefisiáriu nia naran hato'o sentimentu ksolok ba oitavu Governu ne'ebé mai ho politika di'ak harii uma ba família kbiit laek sira liuhusi Programa Nasionál Dezenvolvimentu Suku (PNDS).

“Ha'u husu atu kontinua polítika ida-ne'e, tanba sei iha família barak mak kondisaun uma sei aat no presiza Governu nia tulun," nia dehan

Enkuantu, iha loron 4 fulan-Outubru tinan 2021, Governu inagura ona uma ba kbiit laek iha munisipiu Manufahi.

 

Asistente Editor: Saturnina da Costa

Rate this item
(0 votes)

Independente Digital TV