Tersa, 07 Dezembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-12-05&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Diretóra Nasional Politika Jéneru no Inkluzaun, Maria Filomena Babo Martins, entrega sertifikadu ba Jornalista husi Radio Liberdade, Serilio Verdial Maria Borges, iha salaun Maria Goreti, SEII, sesta (22/10). Foto: Saturnina/INDEPENDENTE. Diretóra Nasional Politika Jéneru no Inkluzaun, Maria Filomena Babo Martins, entrega sertifikadu ba Jornalista husi Radio Liberdade, Serilio Verdial Maria Borges, iha salaun Maria Goreti, SEII, sesta (22/10). Foto: Saturnina/INDEPENDENTE.

SEII Distribui Sertifikadu ba Xefe Redasaun ho Jornalista Sira

DILI: Sekretáriu Estadu Igualidade no Inkluzaun (SEII) distribui sertifikadu ba Xefe Redasaun no mós Jornalista husi media nasional sira.

Diretóra Nasional Politika Jéneru no Inkluzaun, Maria Filomena Babo Martins hatete, liu husi formasaun sira durante loron lima ne’e, bele iha mudansa ba Jornalista no Xefe Redasaun sira, atu koloka termus linguajen ne’ebé liga ho asuntu kobertura no reportajen sensivel ba jéneru no ema ho defisiensia nian.

Tuir nia, durante observasaun, dala barak jornalista sira la konsistente no uza sala termus linguajen ne’ebé halo fontes no komunidade senti ofendidu.

Entaun, liu husi formasaun sira ne’e bele iha mudansa ona ba reportajen sensivel ba jéneru no ema ho defisiénsia.

“Tanba ne’e, SEII nafatin servisu hamutuk ho parseiru sira hodi kontinua hasa’e koñesementu ema hotu nian, liu-liu mídia sira,”dehan nia iha salaun Maria Goreti, SEII, sesta horseik (22/10).

Iha fatin hanesan, Jornalista husi Radio Liberdade, Serilio Verdial Maria Borges hatete, formasaun ne'e fó hanoin ba sira, oinsa atu halo publikasaun ka reportajen ne’ebé iha sensivel ba jéneru, tanba dalabarak titulu notisia sira sempre ofende maluk feto no defisiensia sira.

“Oportunidade diak iha formasaun ne'e mak oinsa hanorin ita, uza termus sira atu koloka tuir nia fatin hodi labele deskrimina ema seluk iha sosiedade nia leet,”dehan nian.

Enkuantu, formasaun ne’ebé SEII fasilita ba Xefe Redasaun no Jornalista mak, kobertura no reportajen sensivel ba jéneru no mós ema ho defisiensia.

Nune’e, formasaun ne’e hala’o durante loron lima nian laran, hahú husi loron 18 to’o 22 fulan-Outubru tinan 2021.

Ho nune’e, total partisipantes hamutuk na’in 18 kompostu husi mane na’in 8 no feto na’in 11.

Partisipante sira ne’e mai husi, Media INDEPENDENTE Jornal ho Online, Grupo Media Nasionaal (GMN), Radio Televisaun Timor-Leste, Empreza Públiku (RTTL-EP), Ajensia Notisioza Tatoli, Radio Liberdade, Radio Rakambia, Radio Loriko, Suara Timor-Lorosa’e (STL) no Timor Post.

Formasaun ne’e, fasilita husi husi formadores sira husi, Sekretáriu Estadu Igualidade no Inkluzaun (SEII), Sekretáriu Estadu Komunikasaun Sosial (SEKOMS), TAF-Nabilan, Programa Monitorizasaun Sistema Judisiál (JSMP) no mós Konsellu Imprensa (KI).

 

Asistente Editor: Saturnina da Costa

  

Read 144 times
Rate this item
(0 votes)