Ekipamentu ne’ebé oferese ba tekniku sira mak hanesan, motorizada ho marka honda 160cc no 125cc hamutuk 65, ekipamentu informatika hanesan desktop, printer no UPS 65 no mobiliariu sira hanesan meja ho kadeira 65.
Diretór Jéral Finansas Minteriu Soliedariedade Sosial no Inkluzaun (MSSI), Jemmy Valente dos Reis hatete, ekipamentu ne’ebé MSSI oferese ba tekniku sira ne’e, atu hodi fasilita servisu sosial nian iha baze.
"Apoiu hirak ne'e ba imi oinsa mak hodi bele halo servisu hodi hakbesik ba iha baze, liuliu ba iha Ita nia benefiasiriu sira ne'ebé presija MSSI nia tulun,”dehan nia iha salaun MSSI, Kaikoli Dili, kuarta horseik.
Ekipamentus sira ne’e, ho total orsamentu $308.120, ne’ebé kompostu husi motor 65 ho montante orsamentu hamutuk $110.225, ekipamentu Informatika Kompostu husi Destop, Printer no Ups hamutuk 65 ho total orsamentu $161.270 no mós meza ho kadeira 65 ne’e, ho orsamentu hamutuk $36.625.
Entretantu, Representante tekniku sosial husi Postu Adminitrativu Laklubar, Manatuto, Sérgio da Silva, agradese ba apoia hirak ne’ebé oferese husi MSSI, nune’e fasilita ona atividade sosial nian iha baze.
Asistente Editor: Saturnina da Costa
