Kuarta, 12 Agostu 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-08-11&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Ilustrasaun Laen baku feen Ilustrasaun Laen baku feen

Baku Feen iha Fatin Públiku Hataan iha Tribunál

DILI: Baku lezada Maria Domingas Pereira (fen) tanba labarik, arguidu  Marcelino Ximenes Júnior (laen) tenke hataan iha Tribunál Distritál Dili (TDD).

Tuir akuzasaun  husi Ministériu Públiku (MP) ne'ebé Tribunál lee sai katak, Arguidu ho Lezada hola malu nudar fen laen iha 2010.

Iha loron 6 fulan Outubru  2016 oras tuku 12, iha  Mandarín (IADE) nia oin, antes ne’e  arguidu ho lezada hirus malu kona ba atu ba vizita sira nia oan ne’ebe hela iha Baukau. Maibe  arguidu lakohi ba, entaun  momentu ne’e lezada mesak ba.

Nune’e lezada fila, arguidu  hela tiha iha nia uma iha ponte Maufelu. Momentu ne’e lezada ba buka arguidu atu  han, maibe arguidu hirus hodi  tolok no hasai lai fuan aat.

Entaun,  mosu diskute malu, arguidu  hirus tebe lezada nia ain, baku dala rua.

Tanba ne’e lezada sofre moras bubu iha ain, no moe tanba  tolok, tebe nia iha fatin públiku afeta mos ba ninia psikolojia.

Tanba ne’e mak Ministériu Públiku akuza arguidu sai hanesan autór material ba krime Violénsia Doméstika iha artigu 145 kódigu penál Timor-Leste.

Hataan ba akuzasaun ne’e arguidu mos deklara ba Tribunál katak iha  balu los no balu sala.

Kona ba   nia ain bubu ne’e arguidu la hare, tanba momentu ne’e arguidu tebe neineik deit.

Nia dehan, depois de akontesimentu ne’e arguidu ba tiha Bekora mak lezada ba hato’o keixa iha Polisia.

Lezadu mos informa ba Tribunál katak faktu ne’e los hotu kedas.

Rona tiha husi parte rua ne’e Tribunál submete kedas ba alegasaun.

Liu husi alegasaun MP husu ba Tribunál atu aplika pena multa husu  loron 60 kada loron  50 cent.

Entretantu defeza husi arguidu husu ba Tribunál atu aplika multa ne’ebé adekuadu tanba arguidu mos konfesa  iha Tribunál katak faktus ne’e los hotu.

Iha audiénsia julgamentu ne’e prezide husi juiz Maria Modesta, Ministériu Públiku reprezenta husi Prokuradór Bartolomeu de Araújo no arguidu hetan asisténsia legál husi  Defensór Públiku Márcia Sarmento. 

Read 560 times
Rate this item
(0 votes)

About Author