Programa YEES hanesan parseria entre Governu Timor-Leste liu hosi Ministériu Komérsiu no Indústria, ho UNDP no KOICA.
Iha Enkontru konsellu projetu ne’e fó prioridade ba Aprezentasaun progresu projtu no relatoriu finansiamentu. Diskusaun planu servisu annual 2026 ne’ebé propoin. Partilla rezultadu avaliasaun midterm ikus liu fó rekomendasaun ba implementasaun projetu iha tempu oin mai.
Ministériu Komérsiu no Indústria propoin rekomendasaun oioin hodi aproveita fleksibilidade no rekursu projetu YEES, ho objetivu atu transforma obstákulu ba oportunidade.
Iha intervensaun, Diretór Jerál Indústria, Jorge Ferreira, hatudu apresiasaun ba ekipa YEES Project no parseiru sira, no fó enkorajamentu ba juventude atu kontinua ho servisu diak tebes mak fó benefísiu ba foin-sa’e emprezáriu sira iha Timor-Leste. Nia sublinha mos kontribuisaun maka’as ba diversifikasaun ekonomia no dezenvolvimentu nasional.
“Aproveita oportunidade atu informa kona-ba atrazu iha programa empréstimu ho kondisaun favorável. Maski fundu sira ne’e disponibiliza ona ba MPME, politika internu Governu nian kria obstákulu krítiku,” Dehan Diretór Jeral indústria, liu husi komunikadu ne’ebé Online INDEPENDENTE asesu iha Sexta (17/04).
Programa YEES fó oportunidade ba juventude Timor-Leste atu habelar kapasidade empregu, simu treinu no abilidade empreendedorismu, no kria ligasaun ho oportunidade ekonomia no inovasaun.
Parseria ne’e hatudu kompromisu Governu ho organizasaun internasionál atu fó susténsiaun ba juventude Timor-Leste, hodi prepara sira ba futuru empregu no lideransa empreendedor.
