Items filtered by date: Tersa, 14 Abril 2026

DILI: Loron 10 fulan-abríl tinan 2026, Ministru Prezidénsia Konsellu Ministrus, Agio Pereira, akompaña hosi Sekretáriu Estadu Komunikasaun Sosiál, Expedito Dias Ximenes, hasoru malu ho pontu fokál Timor-Leste nian ba setór informasaun iha ámbitu Pilár Sósiukulturál ASEAN, ne’ebé hala’o iha nivel polítiku hosi Ministrus ASEAN ne’ebé Responsavel ba Informasaun (AMRI).

DILI: Husi feto ida ne’ebé la hatene lee, Madalena da Costa daudauk ne’e hamriik nu’udar símbolu esperansa ba feto ho difisiensia iha Timor-Leste. Iha ninia knar nu’udar lider ba Asosiasaun Esperansa Feto Difisiensia nia kotuk, rai viajen ne’ebé nakonu ho kanek, luta, no mehi sira ne'ebé la mate.

DILI:Organizasaun Naun Governamentál La'o Hamutuk kestióna desizaun governu ne’ebé hasai dekretu lei aloka orsamentu tokon $186 hodi halo ajudikasaun direta ba kompaña Esperansa Timor Oan, ho objetivu normaliza folin kombustível iha rai laran.

DILI:Primeiru Ministru, Kay Rala Xanana Gusmão, depozita konfiansa másima ba kapasidade lideransa Polísia Nacional Timor-Leste hodi asegura páz no estabilidade iha rai-laran, liu-liu iha momentu ne’ebé nasaun sei hasoru dezafiu boot iha tinan hirak oin mai.

DILI:Programa Merenda Eskolar ne’ebé tuir loloos atu asegura nutrisaun no apoiu aprendizajen ba estudante sira, daudauk ne’e hetan atensaun públiku hafoin Komisaun Anti Korupsaun deskobre indikasaun iregularidade balun iha implementasaun programa ne’e iha Munisípiu Manufahi.