Funsionariu na’in sia ne’e kompostu husi mane na’in lima no feto na’in haat.

Tuir SEKoop Arsenio Pereira da Silva, hatete, funsionariu kasual destakadu ne’e atu reforsa liu tan nivel instituisaun Sekretaria Estadu Kooperativa nian iha nivel área rural. “Funsionariu destakadu ne’e hodi hakbesik an ba povu iha servisu setor kooperativa nian, atu tau matan ba programasaun SEKoop nian iha munisipiu Baucau no sei prepara material sira atu haruka ba munisipiu,”dehan nian edifisiu Autoridade Munisipiu Baukau, tersa (07/11).

Nia dehan, funsionariu kazual hirak ne’e mós sei akompaña kooperativa sira ne’ebé eziste iha nive suku, postu no aldeia, atu bele hatene saida mak sira atu uza hodi hakbesik an ba povu.

Entretantu, Prezidente Autoridade Munisipiu Baucau, Olivio Freitas (Boulesa) mós senti kontente simu funsionariu na’in sia no husu atu servisu tuir lalaok funsaun publiku nian.

Entretantu, iha biban ne’e, Sekretáriu Estadu Kooperativa mós halo observasaun ba edifisiu SEKoop nian.