Governu Deside Extende Tan EE ba Fulan Ida Featured

By Maiu 25, 2020 3427
Reuniaun Konsellu Ministru Reuniaun Konsellu Ministru

DILI:Governu liu husi reuniaun Konsellu Ministru, segunda ohin ohin desidi extende periodu Estadu Emerjénsia ba fulan ida tan (loron 30).

Desizaun Governu ne’e, relasionadu númeru moras virus corona (Covid-19) iha nasaun viziñu Indonézia, liliu iha Nusa Tenggara Timur (NTT) oras ne’e sa’e makaas.

“Governu solisita ona Prezidente Repúblika ba extensaun Estadu emerjénsia ba loron 30 tan,”esplika governu iha komunikadu imprensa ne’ebé INDEPENDENTE Online asesu, Segunda (25/5).

Estadu emerjénsia dahuluk anunsia iha loron 27 Marsu 2020, no termina iha loron 27 Abril 2020.  Estadu Emerjensia ba daruak anunsia iha loron 28 Abril no ermine iha loron 27 Maiu 2020. Estadu Emejénsia datolu Governu deside ona no sei aprejenta ba Presidente Republika hodi deside no anunsia.

Durante periodu Estadu Emerjénsia ba dahuluk no daruak, konfirmadu positivu Covid-19 hamutuk 24. Total konfirmadu ne’e rekoperadu hotu ona, fatin izolamentu mamuk, no mate laiha. Enkuantu ema balun sei kumpri kuerentina iha Dili no iha Munsipiu sira.

Orsamentu ba kombate surtu Covid-19 hamutuk rihun $150 dollar Amerika.

Enkuantu besik fulan rua atu remata promesa Governu seidauk realiza. Tuir planu Governu atu fó subsidiu ba kada uma kain $100, Frontline kada ema $5 too $25, no subsidiu $60 ba salariu traballadór orgaun komunikasaun sosial sira.

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31