Kinta, 22 Abril 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-04-21&metrics=ga%3Avisits&dimensions=ga%3Ayear&start-index=1&max-results=1000: (403) Quota exceeded for quota metric 'Queries' and limit 'Queries per day' of service 'analytics.googleapis.com' for consumer 'project_number:402577812915'.
Ohin, Lere, Falur, Coliati no Pedro Hetan Deviza Foun

Ohin, Lere, Falur, Coliati no Pedro Hetan Deviza Foun Featured

DILI:Prezidente Repúblika, Fransisco Guterres Lú Olo tula deviza foun ba postu ofisiál jenerál no jenerais, sesta ohin (26/2), tuku 9:00otl, iha Palásio Presidensiál Nikolau Lobato Dili.

Serimónia ne’e hala’o, hafoin simu proposta husi Governu no rona Konsellu Superior Defeza no Seguransa dekreta promosaun Coronel Calisto Santos Coli ‘Coliati’ ba postu Brigadeiru Jenerál, Kapitaun Mar e Guerra Donaciano do Rosário da Costa Gomes ‘Pedro Klamar Fuik’ ba postu Komodoro, Brigadeiru-Jenerál Domingos Raul ‘Falur Rate Laek’ ba postu Maior-Jenerál no Maior-Jenerál Tito da Costa Cristovão ‘Lere Anan Timur’ ba Tenente-Jenerál.

Komunikadu ba imprensaun husi Palásiu Prezidensiál ne’ebé fó sai iha loron 25 fevereiru 2021 haktuir, promosaun ba postu ofisiál Jenerál no Jenerais bazeia ba Estatutu Militár F-FDTL Foun ne’ebé aporova liuhusi Dekretu-Lei númeru 33/2020, 2 setembru. Tuir Estatu Militár F-FDTL Foun, númeru 1 husi artigu 261 hateten katak kargu Xefe Estadu-Maior Forsas Armadas okupa husi militár ida ho postu Brigadeiru-Jenerál ou Komodoro.

Promosaun ba Donaciano Gomes atu viabiliza oportunidade ba ninia funsaun iha futuru hodi lidera misoins internasionais ba manuntensaun paz ne’ebé organiza husi Nasoins Unidas.

Númeru 1 husi artigu 260 Dekretu-Lei ne’e hateten katak Vise-Xefe Estadu-Maior-Jenerál Forsas Armadas okupa husi militár ida ho postu Major-Jenerál ou Kontra-Almirante. Estatu Militár F-FDTL foun iha artigu 259 númeru fó-sai katak kargu Xefe Estadu-Maior-Jenerál Forsas Armadas okupa husi militár ida ho postu Tenente-Jenerál ou Vise-Almirante.

Dispozisaun Estatutu Militár F-FDTL Foun obriga Governu atu aprezenta ba Prezidente Repúblika atu halo promosaun ba postu ofisiál Jenerál no Jenerais hodi ezerse sira-nia funsaun.

Calisto Santos Coli ‘Coliati’ iha fevereiru 2011 promove sai koronel no hahú okupa kargu Xefe Estadu-Maior iha outubru 2018.

Coli Coliati

Donanciano Gomes ‘Pedro Klamar Fuik’ hetan promosaun ba Kapitaun Mar-e-Guerra iha 2010 no nomeadu ba Diretór Institutu Defeza Nasionál iha 2012.

Pedro Klamar Fuik 2

Domingos Raul ‘Falur Rate Laek’ hetan promosaun ba Brigadeiru-Jenerál iha juñu 2018 no komesa okupa kargu Vise-Xefe Estadu-Maior-Jenerál iha outubru tinan hanesan.

falur

Lere Anan Timur hetan promosaun ba Brigadeiru-Jenerál no okupa kargu Vise-Xefe Estadu-Maior-Jenerál iha novembru 2009. Promove ba Maior-Jenerál no hahú ninia funsaun nu’udar Xefe Estadu-Maior Jenerál F-FDTL iha outubru 2011.

lere

 

Read 1647 times
Rate this item
(0 votes)

About Author