Tersa, 28 Setembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-09-27&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Estudante FSSU UNTL. Foto antigu Estudante FSSU UNTL. Foto antigu

Covid-19 Atake Hikas TL: Atividade Eskola Taka Semana Rua Featured

DILI:Ministériu Edukasaun Juventude no Desportu (MEJD) deside taka provizoriu atividade eskola hotu iha territóriu laran tomak durante semana rua, relasiona ho moras Covid-19 ne’ebé atake fila-fali Timor-Leste.

Desizaun ne’e bazeia ba Konsellu Ministrus ne’ebé aprova ona projetu Dekretu Governu nian, kona-ba medida sira ba ezekusaun estadu emerjénsia nian ne’ebé renova husi Dekretu Prezidente Repúblika nian N.73/2020, loron 30 fulan-dezembru, atu hatán ba pandemia COVID-19.

Estadu emerjénsia eziste iha territóriu nasionál tomak no hahú vigora husi tuku 00:00 loron 3 fulan-janeiru tinan 2021 to’o tuku 23:59 loron 1 fulan-fevereiru tinan 2021.

Ministru Edukasaun Juventude no Desportu Armindo Maia hatete, hafoin moras Covid-19 ne’ebé kontinua as bebeik iha Timor-Leste, ho nune’e haktuir ba dekretu governu nú. 21/2020 loron 30 fulan-dezembru kona-bá medidas ezekusaun no deklarasaun emerjensia rasik.

“Iha artigu 28 koalia kona-bá funsionamentu no estabelesimentu ensinu, ho nune’e ita nia Ministériu Edukasaun Juventude no Desportu (MEJD) deside katak ba ita nia eskola públiku no privada sira inklui mos ba ita nia eskola katolika sira ne’ebé iha fundasaun nia mahon no eskola hotu iha territóriu laran tomak, ita sei suspende lai kualker aktividade Predensial,”dehan nia iha sala konferensia MEJD, Vila Verde (04/01).

Nia hatutan, kona-bá ba aktividade inskrisaun no orientasaun ba estudante foun anu letivu 2021, hein dezpaixu husi Ministérial konjuntu entre MEJD ho Ministériu Saúde.

MEJD sei nafatin hodi kontinua no haforsa tan programa online, hanesan programa eskola ba uma no akomopaña liu husi radiu no telivizaun inklui mos iha media sosial.

Sei fornese material online liu husi website no bele assesu iha google play store atu nune’e aplika eskola ba uma, durante tempu suspensaun, MEJD espera katak sei la lori tempu naruk.

Entretantu, MEJD husu ba manorin no estudante sira hotu, hahu husi pre-eskolar, ensinu baziku no ensinu sekundáriu sira hotu atu nafatin akompaña programa prossesu aprendijazem online liu husi plataforma hotu, inklui mos informasaun relevante sira seluk husi MEJD.

“Suspensaun ida ne’e ita espera katak iha tempu badak atu nune’e fó oportunidade ba ita hodi deskute ho Ministériu saúde kona-bá regras implementasaun, ita nia eskola sira mos ita sei taka nia durasaun durante semana 2 , atu nune’e ita bele deskute hamutuk ho MS hodi bele hare’e kona-ba eskipamentus Covid-19 nian ba eskola sira.

Read 3068 times Last modified on Segunda, 04 Janeiru 2021 21:04
Rate this item
(0 votes)

About Author