Sábadu, 31 Jullu 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-07-30&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Xineza na'in ida hamrik iha udan laran, fatin ne'ebe hetan inundasaun iha Zhengzhou, provinsia Henan, Xina 20 Jullu 2021. [cnsphoto via REUTERS] Xineza na'in ida hamrik iha udan laran, fatin ne'ebe hetan inundasaun iha Zhengzhou, provinsia Henan, Xina 20 Jullu 2021. [cnsphoto via REUTERS]

Governu TL Hato’o Solidariedade ba Vitima Inundasaun Iha Xina

DILI:Governu Timor-Leste hato’o ninia sentidas kondolénsias ba Governu no povu Repúblika Populár Xina nian, hafoin estragus boot no lakon vida nian kauza husi udan boot iha loron hirak ikus ne’e iha rejiaun sentru Xina nian.

Tuir autoridade meteorolójika sira país nian, hateten katak udan boot forte liu iha tinan rihun ikus nian. Kuaze ema na’in 25 maka mate no na’in hitu lakon iha kapitál provínsia, Zhengzhou nian, situada besik kilómetru 700 ba sudoeste Pekín nian.

Iha estimativa katak besik ema millaun ida mak afeta husi efeitu bee-sa’e no besik ema 200.000 mak evakua ona ba abrigu sira.

Udan boot ne’ebé halo bee sa’e sistema metro sidade nian, estraga estrada, veíkulu, uma no iha ospitál sira maka nakonu ho bee no laiha eletrisidade.

Liuhusi komunikadu ne’ebé Online Independente asesu, kinta ohin (22/7), Portavós Governu Konstitusionál VIII, Ministru Fidelis Magalhães, hodi Primeiru-Ministru, Taur Matan Ruak no Governu tomak nia naran, hato’o ninia solidariedade ba Governu no povu Repúblika Popular Xina nian, ne’ebé enfrenta hela efeitu sira husi katástrofe ida-ne’e.

“Iha momentu difisil hirak ne’e, ami-nia pensamentu hamutuk ho vítima no sira-nia família no ami louva sira ne’ebé maka kontinua ho fiar an, hodi buka sobrevivente sira,”dehan Ministru Fidelis.

Tuir reportajen China Daily via REUTERS, ne’ebé Online Independente asesu katak akontese udan no anin boot durante loron tolu, hahú iha Sábdu-kalan to’o tersa-kalan foin lalais, provoka hamosu inundasaun iha sidade Zhengzhou.

Zhengzhou, sidade ida ne’ebé besik mota ibun, ho nia komunidade hamutuk millaun 12. Husi inundasaun ne’e ema na’in 12 mak mate ona no rihun 100 mak evakua ona ba fatin seguru.

Iha loron Kuarta horsehik, sistema movimentasaun transporte iha sidade Zhengzhou paradu total, implika ba atividade eskola no ospitál sira.

Ospitál Afiliasaun  dahuluk Zhengzhou, prepara kama rihun 7, maibé la to’o. Ospitál sira buka transportasaun atu muda pasiente moras gravé hamutuk 600 husi ospitál refere.

 

Asistente Editor: Saturnina da Costa

Read 650 times
Rate this item
(0 votes)

About Author