Hafoin selebra asina akordu, Diretór Jerál-MAP, Raimundo Mau hateten, apoiu hirak ne’e hodi fasilita MAP halo monitorizasaun no halo kontrolu ba ai-parapa liuhusi projetu Costa Rejilensia, ne’ebé hala’o tiha ona iha tinan 2020.
Projetu ne’e haree liu ba area floresta no oinsa kontrolu ai-parapa, iha Munisipiu ne'en (6), hanesan Munisipiu Kikisa, Covalima, Manatutu,Viqueque, Dili, no Munisipiu rua seluk.
Tanba ne’e, MAP presiza akipamentu hirak ne’e hodi bele hala’o servisu.
“Projetu ida ita hahú iha tinan kotuk liu (2020) ba no to'o ona nian rohan, durante projetu ne'e implementa, ekipamentus sira ne’e sosa ho osan projetu nian,”dehan nian ba jornalista sira iha UN House, Kaikoli.
Tuir nia katak, bazeia ba akordu bainhira projetu remata, ekipamentu sira sei entrega ba Governu liu husi MAP, liuhusi kordenasaun ho Diresaun Jeral Patrimonio Estadu (DJPE) no Diresaun Nasional Transporte Terestre nian.
Iha fatin hanesan,United Nations Development Programme (UNDP) Officer-in-Charge in Timor-Leste, Lazima Onta-Bhatta, hateten ekipamentu hirak ne’ebé oferese ne’e ho valor orsamentu hamutuk dollar amerika millaun $7.
Asistente Editor: Saturnina da Costa
