DILI: Povu Rejiaun Autonomu Espesial Oekusse Ambeno husu atu revoga alterasaun ba lei númeru 3/2014, 18 juñu, ne’ebé Parlamentu Nasionál aprova ona. Sira mós hakarak atu atual Prezidente RAEOA-ZEESM, Mari Alkatiri kontinua ninia lideransa.
Antonio Lelan ne’ebé deklara nu’udar reprejentante Liurai, Na’i Juf Dato, Lia-nain, Intelektual, Juventude, Sosiedade Sivíl, Setór Privadu no entidade hotu iha RAEOA, deklara asuntu ne’e ba ba Prezidente Repúblika Francisco Guterres Lu Olo.
DILI: Kazu timoroan na’in rua (kazál) ne’ebé oras ne’e detein iha Atambua hetan ona advogadu privadu husi Indonézia ho naran Jeremias L.M Haekase, no sei fó asisténsia legál.
Jeremias halo vizita mai Timor Leste hodi hasoru malu ho família husi timoroan na'in rua maka JSP ho nia kaben AS, alende ne’e atu buka dadus liuliu sei hasoru malu mós ho Prokuradór Jerál da Repúblika (PJR) ho kompañia JVK.
Sura Loron De’it, Mandatu Alkatiri Remata
DILI: Mandatu ba Prezidente Autoridade Rejiaun Espesial Oekusse-Ambeno (RAEOA) Mari Alkatiri sura loron de’it, maibé to’o ohin loron governu Aliansa Mudansa ba Progresu (AMP) ne’ebé lidera husi Primeiru Ministru Taur Matan Ruak seidauk fihir figura ne’ebé sei troka Alkatiri.
DILI: Forum Organizasaun Naun-governamental Timor Leste (FONGTIL) lamenta tebes ho desizaun maioria iha Parlamentu Nasionál ne’ebé altera lei Zona Ekonomia Espesial Sosial Merkadu (ZEESM) bainhira desizaun refere halo tanba intensaun atu ‘hada’u-malu’ poder.
DILI: Tuir ajenda, iha Tersa (16/07) semana oin, Parlamentu Nasionál sei realiza plenaria hodi diskuti no aprova alterasaun lei haat ne’ebé liga ba tratadu Fronteira Maritima.
Hafoin simu alterasaun lei husi Konsellu Ministru, iha Kinta (11/07), lider Bankada sira iha Parlamentu Nasionál deside hodi realiza plenaria extraordinaria atu baixa alterasaun lei ba komisaun relevante sira.
Ema 53 sei Refujia iha Edifísiu PNTL Likisá
DILI: Hafoin akontesimentu krime omisídiu iha Aldeia Baura, Suku Leorema, Bazartete-Likisá hodi rezulta ema na’in rua mate, komunidade husi fatin ne’e hamutuk na’in 53 oras ne’e daudaun refujia iha edifísiu PNTL Munisípiu Likisá.
Ema 900 sei Partisipa iha Jogu CPLP 2020
DILI: Iha fulan Jullu tinan 2020, Timor Leste sei sai uma-nain ba jogu CPLP. Tuir kalkulasaun, ema besik rihun 900 mak sei partisipa iha eventu boot ne’e.
Tuir planu jogu CPLP ba dala 12 ne’e sei realiza iha loron 10 nia laran, hahú husi loron 14 to’o 24 Jullu 2020. Iha modalidade 8 mak sei kompete mak modalidade Futebool, Basketebool, Xadres, Kungfu, Karate, Taekwondo, Atletizmu, no Tenis Kampu.
DILI: Iha Sabadu (06/07) foin lalais, paratleta husi Komite Paralimpiku Timor Leste, Teofilo Freitas, ne’ebé iha jogu Asian Paragames oferese medulla osan-mean ba Timor Leste, ezije promesa Sekretariu Estadu Juventude no Desportu, Nelio Isaac Sarmento.
DILI: Xefe Estadu Maior FALINTIL Forsa Defeza Timor Leste (F-FDTL) Maijor Jeneral Lere Anan Timur deklara prontu atu husik nia kargu ohin ka aban, maibé nia preokupa liu mak estabilidade.
Maijor Jeneral Lere dehan, ninia mandatu ne’e sempre extende tanba preokupasaun boot ba estabilidade, liu-liu estabilidade F-FDTL.
DILI: Governu liu husi, Sekretáriu Estadu Juventude no Desportu (SEJD), prepara ona múziku ba jogu Komunidade Nasaun Ko’alia Lian Portuges (CPLP) ho titulu ‘Unidos Somos Um’ ne’ebé sei hananu husi kantores Timor oan Maria Vitoria no Gerson Oliveira.
“Ami prepara ona múzika ba jogu CPLP nian ho titulu ‘Unidos Somos Um’ signifika ita mai husi afrika, ou amerika latín no azia maibé ita ida de’it intermus linguajen kultura sempre iha ida de’it ba entidade luzofonia ne’ebé sei kanta husi kantor na’in rua, Marvi no Gerson, kompozitór ne’e Anito Matos,” dehan Sekretáriu Estadu SEJD, Nelio Isac Sarmento, iha Palasiu Governu, horisehik.
Nelio esplika, iha loron 19 fulan-Jullu agora Ministra Edukasaun Juventude no Desportu (MEJD), hamutuk ho nia delegasaun husi juventude kreativu na'in 9 no konsellu juventude sira.
Atu konfirma nasaun sira ne’ebé atu mai partisipa jogu ne’e, hein MEJD fila husi Luanda, maibé fiar katak nasaun CPLP sira hotu prontu atu partisipa iha eventu ne’e.
Jogu ne’e sei loke modalidade walu mak hanesan, bola tebe, taekwondo, xadres, karrate, tenis kampu, no basketeból. Prosesu rezistrasaun ne’e sei liu husi online, maibé sei hein aprovasaun husi Konsellu Ministru Angola .
More...
DILI: Rede Ba Rai (RBR) Konsidera Ministru Justisa (MJ) Manuél Cárceres ho Sekretáriu Estadu Teras no Propriedade (SETP) la kompriende kona ba Konseitu administrasaun nakloke.
Konsiderasaun ne’e Rede ba Rai hato’o, liu-husi konferénsia Imprensa ne’ebé hala’o iha salaun Fundasaun Haburas Faról Dili, horisehik.
DILI: Governu Timor Leste liu husi reuniaun Konsellu Ministru Extraordinaria konklui ona prosedimentu legal no nesesariu hirak ba ratifikasaun Tratadu Fronteira Maritima entre Timor Leste ho Australia. Hafoin konklui ninia serbisu, governu submete ona Dekretu Lei ba Prezidente Repúblika no Alterasaun Lei ba Parlamentu Nasionál.
F-FDTL Hahú Reestrutura Komandu Komponente
DILI: FALINTIL-Forsa Defeza Timor-Leste (F-FDTL) hahú halo ona reestruturasaun ba komandu komponente na’in haat. Nune’e, Konsellu Superiór Defeza no Seguransa halo ona nomeasaun komandu foun.
Xefe Estadu Maiór Jenerál F-FDTL, Majór Jenerál Lere Anan Timur hateten, reuniaun Konsellu Defeza no Seguransa liga ba asuntu militár nian ne’ebé halo nomeasaun no ezonerasaun komandante komponente sira.
Prepara Ba Debate Tratadu FM, PN Adia Resesu
DILI: Parlamentu Nasionál (PN) liuhusi plenária, deside ona hodi adia tempu resesu. Tuir kalendáriu normál loloos resesu sei halo durante fulan rua. Maibé, atu halo debate Ratifikasaun Tratadu Fronteira Marítima (FM), maka tempu resesu sei habadak ba fulan ida.
Independente Digital TV
Trending
Latest
Follow us on Facebook
Online Independente
Avenida Delta, Hudi Laran, Dom Aleixo
Dili, Timor-Leste
- Editor:
Jose Sarito Amaral - Saturnina da Costa
Jornalista:
Ivonia Varela
Kontaktu:
(+670) 77358204
(+670) 78579261