Komandu Jeral Polisia Nasional Timor Leste (PNTL), Komisariu Julio da Costa Hornay louva povu Timor tanba  situasaun jeral iha 13 munisipiu lao nomal no nia fiar katak sidadaun hotu iha ona  konsiensia hodi partisipa iha prosesu kampaña.

Nia dehan, durante ne’e la iha insidente ruma ne’ebé mósu husi komunidade.

“Situasaun iha Timor lao diak, la iha kazu ruma ne’ebé grave tanba hetan kontribuisan husi ita nia sidadaun hotu,” Informa Hornay na jornalista iha Ministeriu Interior Vila Verde Dili, Kuarta (15/3).

Maske  iha loron dahuluk kampana ne’e maka mósu konfrontasaun entre apoiante husi kandidatura balun, maibe hafoin  konfrontasaun situasaun seguransa oras ne’e dadaun lao normal no ema hotu tur  hakmatek.

Tanba ne’e komisariu rasik louva ekipa susesu kandidatura Prezidente da Republika nian ho apoiante sira ne’ebé fo kontribuisaun ba siguransa ba PNTL iha kampaña ne’e rasik.