“Osan ba manutensaun ba ro rua ne'e iha osan tokon US$ 5 ba ró rua ne'e hotu,” dehan nia, iha knaar fatin, Fatuhada, horisheik.

Nia dehan, empreza ne'ebe responsavel ba manutensaun ba ró rua ne'e mai husi empreza Xina, ne'ebé haree ba industria konstrusaun ró nian.

Nia garante katak, manutensaun ba ró patrulla Jaco no Betano sei konklui iha tinan ne’e.

“Oras ne'e dadaun iha prosesu manutensaun, ita fiar katak fin-du-anu ró rua ne'e prontu ona opersionál fila-fali, porke prosesu ida manutensaun ida agora ita halo ne'e prosesu manutensaun muito profunda sei troka nia motór sira ne'ebé mak aat tiha ona sei hadia, nia kulit sei hadia, nia sistema sira hothotu ne'e falla sei hadia hotu,” tenik Klamar Fuik

Nia dehan, iha fulan neen mai ne'e ró ida sei prontu uluk ho manutensaun ne’ebé oin seluk no ho nia kualidade ne'ebé di'ak ró ne'e nia kondisaun sei foun fali.

“Ita espera tinan ne'e Ro rua ne'e sei konklui nia manutensaun hodi halo fali opersionál”, nia dehan.