Ministru Asuntu Kombatente Libertasaun Nasionál, Gil da Costa “Oan Soru” hatete, lista kontestasaun no rekomendasaun ne'ebé tama hamutuk rihun 61,711 iha fulan maiu deside anúnsia ba públiku.
“Iha 2026 ida-ne'e tenke fó solusaun, la hotu, maibé 50% husi kontestasaun no reklamasaun tenke fó, asuntu ida-ne’e tenke konklui iha tinan ida-ne’e, razaun tanba saida mak tenke konklui, ha’u Ministru, ha’u membru Governu administrativamente jere, inklui jere to’o osan,” Dehan Ministru “Oan Soru” ba Jornalista sira, MAKLN, Kuarta (18/03).
Nia dehan, osan Estadu nian ne'ebé kualkér ema dehan estudu nian fó de'it, ida ne'e mak tenke tau iha kabaas.
“Labele hanoin dehan osan estadu nian ne’ebé kualkér ita ida mai dehan, Estadu nian ne’e fó de’it. ‘Bé ó sé? Ó estadu ka la’e?’. Ne’e mak ita tenke tau iha ita-nia kabas,” Nia afirma.
Nia informa, dadus reklamadu no kontestadu ne’ebé rejístadu iha sistema baze dadus hamutuk 61.711, kompostu husi kontestasaun hamutuk rihun 30.000 resin no restu ne’e maiória reklamasaun.
“Dadus hirak-ne’e mai husi kombatente rejistadu dahuluk 2003 to’o 2005 inklui kombatente rejistudu daruak 2009, tuir rezultadu husi desizaun ne’e, seidauk finaliza, tanba nia progresu foin mak atinje pursentu haat-nulu resin (40%-resin), tanba ne'e maka, liu husi reuniaun institusionál ohin, desizaun fórum deside ona katak, iha fulan-maiu mak foin halo fila-fali desizaun finál,” Nia informa.
Nia esplika, lista reklamasaun hamutuk 61.711 no kontestasaun hamutuk 53.272, husi ne'e kompostu husi munisípiu Aileu ba kontestasaun iha 3.179 no reklamasaun iha 2.822, Ainaru kontestasaun iha 5.666 no reklamasaun iha 4.023.
Iha Baukau kontestasaun iha 9.332 no reklamasaun iha 8.459, Bobonaru kontestasaun iha 6.757 no reklamasaun iha 5.939, Kovalima kontestasaun iha 5.237 no reklamasaun iha 4.806.
Iha Dili kontestasaun iha 2.825 no reklamasaun iha 2.375, Ermera kontestasaun iha 8.566 no reklamasaun iha 7.214, Lautem kontestasaun iha 2.677 no reklamasaun iha 2.460, Likisá kontestasaun iha 1.835 no reklamasaun iha 1.556.
Iha Manatutu kontestasaun iha 3.635 no reklamasaun iha 3.391, Manufahi kontestasaun iha 3.419 no reklamasaun iha 3.202, Oé-kusi kontestasaun iha 3.112 no reklamasaun iha 2.736 no Vikeke kontestasaun iha 5.449 no reklamasaun iha 4.268 no laiha munisípiu kontestasaun hamutuk haat (4) no reklamasaun iha tolu (3) no Fora Timor-Leste hamutuk 18.
“Lista reklamasaun no kontestasaun ne'ebé rejistu ona Kombatente Libertasaun Nasionál ne'ebé deside ema hamutuk 22.017, kompostu Aileu iha 1.420, Ainaru iha 1.603, Baukau 1.532, Bobonaru 1.991, Kovalima iha 1.203+1.627+2.149+1.209, Dili iha +1.556, Ermera iha 1.501, Likisá iha 2.945, Lautein iha 1.880, Manatuto iha 1.380, Manufahi iha 3 no fora husi Timor-Leste hamutuk 18,” Nia informa.
