Segunda, 18 Juñu 2018 | Login
Xanana ho Idozos sira Xanana ho Idozos sira

Falta iha Asina Akordu FM, Xanana Akuza Komisaun ONU ho Australia Halo Konspirasaun Featured

DILI: Xefe Negosiadór Prinsipál Fronteira Maritima, Xanana Gusmão la marka prezensa iha serimonia asinatura akordu tratadu liña Fronteira Maritima iha Nova Iorke, Kuarta horsehik (7/3).

La konfirmadu rajaun Xanana la marka prezensa  serimonia akordu ne’e, maibé iha loron hanesan eis Presidente Repúblika Timor-Leste ne’e halo vizita ba Repúblika Sierra Leon iha rejiaun Áfrika Osidentál.

Tuir fontes konfirmadu katak, vizita Xanana ne’e relasiona ho eleisaun jerál iha Sierra Leone iha tempu badak.

Autoridade no povu Sierra Leone simu Xanana ho antusiaismu no fó parabens ba lider karismátiku ne’ebé konsidera hanesan belun di’ak. Sierra Leone mós konsidera Xanana nu’udar lider inspiradór lidera prosesu ba libertasaun nasional no luta ba nia moris di’ak.

Aliende ne’e, antes hala’o vizita ba nasaun Afrika, Xanana nu’udar lider karismátiku no lider importante iha ekipa negosiasaun fronteira maritima, hakerek karta ida katak iha prosesu sira ne’ebé Komisaun Konsoliasaun óbrigatoriu husi ONU mosu konspirasaun.

Kontiúdu karta ne’ebé media lokal Australia fó sai katak, Xanana akuza Australia ho Komisaun Konsoliasaun ONU nian halo konspirasaun ho empreza petroliféru sira hosi tenta dada mina matan Greater Sunrise ba Darwin.

Tuir Primeiru Ministru Mari Alkatiri iha intrevista eklusivu ho RTTL katak nia rasik seidauk asesu ba akta akordu tratadu liña fronteira maritima ne’e, maibé tuir nia hatene katak area JPDA no Greater Sunrise pretense 100 pursentu mai ona Timor-Leste. Konaba kadoras mina no gas atu dada mai Timor-Leste ou ba Australia sei halo fali deskusaun entre nasaun rua ne’e (Australia ho Timor-Leste).

Read 951 times Last modified on Kinta, 08 Marsu 2018 14:24
Rate this item
(0 votes)

About Author

AdBottom1