×

Atenção

JUser: :_load: Não foi possível carregar usuário com ID: 430

PNTL Sei Fó Seguransa ba Kandidatu PR

By Fevereiru 06, 2017 2638
Membru PNTL Membru PNTL

DILI: Komando Polisia Nasional Timor-Leste (PNTL) sei dezloka ninia membru hodi halo eskoltu ba kadidatura Prezidete Republika durante kampaña eleisaun.

Segundo Komado Jeral PNTL, Komisario Faustino da Costa dehan, relasiona ho kampana ba kandidatura Prezidente Republika tanba ne’e Komando dezloka membru sira halo siguransa bá kandidatura sira.

“Ita sei koloka membro sira ne’ebé sai hanesan eskoltu ba kandidatura sira ne’e iha durante kampaña nia laran,” dehan Faustino ba Jornalista iha Sentru Formasaun PNTL Komoro Dili, Sesta (3/2).

Nia dehan, desizaun ne’e Komando rasik orienta ba membru sira durante halo Kampaña iha terenu iha ne’ebé hahú husi Munisipiu to’o Nasionál.

Faustino haktuir, dadaun ne’e Membru Polisia liu husi servisu rekolla informasaun kontinua hala’o sira-nia kanr iha Munisipiu hodi deskobre fatin ne’ebé mak iha potensia ba konflitu, hodi nune’e Komando dezloka membru sira hodi apoiu seguransa.

Nia dehan, CNE rasik deklara katak kampaña rasik sei halo durante semana tolu hodi hato’o aspirasaun ba povu maibé, segurasa kontinua maka’as.

Liderasa daruak PNTL afirma, komando sei dezloka membru sira sai hanesan eskoltu ba kandidatura sira ne’e hodi halo kampãña ba povu sira.

Tanba ne’e, Komando PNTL rasik husu ba komunidade sira labele kria konflitu bainhira kampaña Prezidente ne’e hahú, tanba ne’e nia apela mós bainhira kampaña ne’e hotu sidadaun hotu fila ba uma hodi tuur hakmatek.

Rate this item
(0 votes)

Independente Digital TV