×

Atenção

JUser: :_load: Não foi possível carregar usuário com ID: 430

Ministru Finansa Konfuzaun FP Simu Saláriu Tarde Featured

By Marsu 01, 2018 1616
Rui Gomes Rui Gomes

DILI: Ministru Planu no Finansas (MPF), Rui Gomes, konfuzaun no preokupa bainhira funsionáriu públiku (FP) simu saláriu no vensimentu tarde, tanba hafoin simu relatóriu ministériu halo ona konferensista orsamentu.

Nia dehan, sistema pagamentu bainhira ezekuta loos ona konserteza sistema iha banku mós simu ona. Nune’e osan mós transfere kedas, maibé nia rasik konfuzu tanba saida to’o oras ne’e saláriu no vensimentu sempre tama tarde.

“Ha'u seidauk komprende problema ne’e iha ne’ebé, maibé loron rua liu ba aprovasaun hotu ona”, dehan Rui, iha knaar fatin, Ai-Tarak Laran-Dili, horisehik.

Tuir nia, bainhira hetan aprovasaun sistema pagamentu sei halo transferénsia automatikamente ba funsionáriu sira ida-idak nia-banku.

Ne’e duni, ministru Rui husu ba banku sira atu klarifikasaun no fallansu saida mak halo funsionáriu balun simu saláriu tarde. Tanba, parte Ministériu Planu Finansas nian ezekuta ona antes.

Maibé, sistema foun ne’ebé VII Governu utiliza kontinua funsiona ho di'ak hodi atende sistema finanseiru nian ba ezekusaun orsamentu iha ministériu Planu no Finansas rasik.

Nia dehan, laiha problema ho sistema pagamentu ba funsionáriu sira tanba karik iha fallansu tékniku loron ida ka rua, maibé Governu espera katak atu buka dalan atu aselera lalais pagamentu ne’e.

 

Rate this item
(0 votes)
Last modified on Kinta, 08 Marsu 2018 14:23

Independente Digital TV

Tuir ami iha Twitter

Kalendariu Notisia

« June 2024 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30