×

Atenção

JUser: :_load: Não foi possível carregar usuário com ID: 425

JUser: :_load: Não foi possível carregar usuário com ID: 430

Lu-Olo Fiar An Manan iha Primeira Ronda

By Fevereiru 06, 2017 3199
Prezidente partido FRETILIN Fransisco Guterres (Lu-Olo) Prezidente partido FRETILIN Fransisco Guterres (Lu-Olo)

DILI: Kandidatura husi partidu FRETILIN, Francisco Guterres Lu-Olo optimista sei hetan vitoria iha eleisaun Prezidensial.

Iha Sesta (03/02), Lu-Olo akompaña husi Sekretariu Jeral Partidu FRETILIN, Mari Alkatiri, militante no apoiate sira ofisialmente rejista Prezidente Partidu FRETILIN ne’e ninia kandidatura iha Tribunál Rekursu.

Tuir observasaun jornalista INDEPENDENTE, iha Sesta loraik, estrutura Partidu FRETILIN lori urnas ne’ebé nakonu ho lista apoiante atu bele priense kriteria.

Tuir Lu-Olo, lista apoiantes ne’ebé mai husi minisipiu 12 inkliu Rejiaun Autonomu Espesial Oekusse hamutuk 13.130.

“Ohin ha’u mai ho ha’u-nia apoiante ba ha’u-nia kandidatura hamutuk 13.130 lori mai par halo rejistu ofisial ha’u-nia kandidatura nian iha Tribunál Rekursu,” dehan Lu-Olo ba jornalista sira iha Tribunal Rekursu.

Hatan kona-ba kandidatu sira seluk ne’ebé deklara an ona ninia kandidatura, Lu-Olo hatete, ninia advessariu maioria nudar jerasaun foun, tan ne’e nia hakarak fó ninia respeitu ba sira.

“Ha’u lakohi atu julga ba ha’u-nia adversariu sira. Iha tempu ida agora ne’e hakarak hatete de’it katak sira bele kandidatu ona nia an par ita ba tuir kompetisaun iha eleisaun,” dehan nia.

Nia hatutan, iha eleisaun ne’e atu manan ka lakon ne’e hafoin eleisaun mak hatudu no buat hotu ne’e fila ba povu mak sei deside atu hili kandidatura ne’ebé mak merese sai sira-nia Prezidente Republika.

“Ha’u kandidatu par atu manan duni. Kandidatu ida par atu lakon fali nunka atu kandidata an,” dehan nia.

 

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31