Ministru Interior (MI) Longuihos Monteiro hateten iha sorumutu ho Xefe Estadu ne’e informa movimentu sidadaun estanjeiru sira ne’ebe iha rai laran ne’ebe hala’o traballu ka buka moris.
“Prezidente husu atu halo fiskalizasaun ba sidadaun estranjeiru sira tenke efektivu liu tan para ita bele kontrola ida maximu li-liu karik ba iha potensia de organizadu, trafiku pesoa iha ita nia rai,” dehan Longuinhos ba Jornalista sira hafoin sorumutu ho Xefe Estadu ‘Lu-Olo’ iha Palasiu Prezidensial Nicolau Lobtao Aitarak Laran-Dili kinta (08/06).
Tuir nia ne’e mak atu halo operasaun ida ba sidadaun estranjeiru sira iha rai laran.
Portantu, Governante ne’e, informa kona ba movimentu entradas sidadaun estranjeru ne’ebe iha rai laran halo traballu. Ne’e duni, Prezidente da Republika apresia tebes ho serbisu Ministeriu Interior halo ho ninia diresaun sira, liu diresaun Polisia Nasional, no Polisia Serbisu Imigrasaun nian.
Deskute Seguransa Eleisaun Parlamentar
Entretantu, Ministru Interior mos informa ba Prezidente da Republika ba eleisaun Lejislatura nian.
Ne’e duni, PR husu ba Polisia atu iha ninia planu de operasaun tenke firme rigorozu tau matan ba para bele garantii festa demokrasia bele la’o ho diak.
“Ohin ha’u koalia ho PR dehan katak festa ita mak halo, ita mak hari’i nia tenda laiha ema sidadaun Timor ida mak ba sobu tenda festa nian,” tenik nia.
