Sexta, 13 Dezembru 2019 | Login
Ilustrasaun foto Ilustrasaun foto

Debate OJE Muda Ba 25 Novembru Featured

DILI:Tuir kalendáriu ne’ebé lider bankada aprova debate OJE 2020 hahú Tersa (20/11), maibé sei muda fali ba, Segunda (25/11), tanba Komisaun C PN seidauk konklui relatóriu pareser.

“Ami simu pedidu husi Komisaun C-PN katak sira labele konklui relatóriu pareser nian iha tempu ne’ebé determinadu”, dehan Prezidente PN, Arão Noe de Jesus.

Tuir oráriu, submete ona, horisehik (19/11), hodi aban bele ba plenária, maibé depois haree razaun seidauk konklui relatóriu pareser, tan ne’e sei muda ajenda debate nian.

Nia dehan, lider bankada foti desizaun ajenda ne’ebé atu hahú iha loron 25-27 Novembru debate jeneralidade.

Konsellu Ministru aprova ona proposta orsamentu 2020 ho montante biliaun $1.95. Husi Totál ne’e ne’e fahe ba kategoria saláriu vensimentu millaun $241.271, bens servisu millaun $738.428, transferénsia públiku $457.773, kapitál menór millaun $53.267 no kapitál dezenvolvimentu millaun $459.260.

Read 217 times
Rate this item
(0 votes)

About Author

MidAd1