DILI: Polisia Nasionál Servisu Investigasaun Nasionál (PNSIK) aprezenta ona kazu difamasaun ida ne'ebé komete husi suspeitu MPE ba Ministériu Públiku (MP) atu prosesa tuir lei.
Kazu difamasaun hasoru lider nasionál sira iha média sosiál hetan ona intervensaun husi SIC. Husi prosesu investigasaun ne'ebé loke kuaze suspeitu na’in 7 mak aprezenta-aan iha Kuartél Jerál PNTL hodi presta deklarasaun.
Ofisiais PNSIK ne’ebé lakohi temi naran, Tersa (20/03) hateten, kazu ne'ebé PNSIK aprezenta ba MP mak suspeitu ida husi Bebonuk ho inisiál MPE ne'ebé ataka lider nasionál no atuál Primeiru Ministru, Mari Alkatiri ho liafuan mal edukadu.
Suspeitu durante ne’e eskola iha li'ur, maibé sempre akompaña prosesu no lala'ok polítika iha rai laran. Tanba tensaun polítika ne'ebé aas, MPE mós brani halo ninia asaun hodi ataka lider nasionál sira.
Nune’e, kazu Remígio Laka Vieira nian, tuir nia, iha mós indikasaun kontra lei. Tanba utiliza eletróniku no kondenasaun, ne’ebé posibilidade sei aprezenta mós ba ministériu públiku.
DILI:Komisaun Permanente (KP) Parlamentu Nasionál husu ba PNSIK atu kontinua halo operasaun hodi kombate identidade (id) falsu iha média sosiál ne’ebé gosta trata lider nasionál sira.
DILI: Membru Polisia Unidade Rezerva pelotaun ida kompostu husi ema na’in 24 hetan formasaun hodi hadi'a fíziku no mentalidade hodi utiliza ekipamentu orden publika iha prosesu eleisaun antesipada.
DILI: Tribunál Rekursu determina ona, loron Kuarta (21/3), nu’udar tempu ikus liu ba partidu polítiku sira hodi aprezenta lista kandidatura deputadu nian. Maibé, to’o horisehik, partidu FRETILIN, Partidu Demokrátiku (PD) no koligasaun Frente Dezenvolvimentu Demokrátiku (FDD) seidauk aprezenta lista ba tribunál.
DILI: Ministru Adjuntu Primeiru Ministru asuntu Delimitasaun Fronteira Marítima, Hermenegildo ‘Agio’ Pereira, hetan delegasaun kompeténsia husi hodi Governu dezloka ba Austrália, iha Segunda (19/3), atu diskute kona-ba dezenvolvimentu Greater Sunrise.
DILI: Stock foos oras ne’e daudaun komesa menus ona iha armazein governu. Tuir dadus husi Sentru Lojístika Nasionál (CLN) iha armazein 02 nian hela tonelada 800.