Tempu badak, ME koloka urjénsia manorin na’in-568 ba eskola sira Featured

By Ivonia Varela Abril 19, 2024 1555
Prezidente Juri Ba Bolsa Kandidata, Anita Tavares de Jesus ho ekipa anunsia rezultadu teste bolsa kandidatu ba manorin sira, iha salaun KFP, Dili, (19/04/24). Foto: INDEPENDENTE. Prezidente Juri Ba Bolsa Kandidata, Anita Tavares de Jesus ho ekipa anunsia rezultadu teste bolsa kandidatu ba manorin sira, iha salaun KFP, Dili, (19/04/24). Foto: INDEPENDENTE.

DILI: Ministeriu Edukasaun (ME) sei koloka kandidatura na’in 568 ne'ebé liu ona teste ba eskola sira iha teritoriu laran tomak ne’ebé presiza tebes manorin.

Prezidente Juri Ba Bolsa Kandidata, Anita Tavares de Jesus hatete, Ministeriu Edukasaun hamutuk ho Organizasaun Naun Governamental BELUN loke vaga ba bolsa kandidata hamutuk 2.400, maibé iha vaga ne'e, iha kandidatu na’in rihun sanulu resin tolu, rua nulu resin ida (13.021) mak konkore.
Husi numeru ne’e, iha kandidatu na’in rihun tolu 11.273 mak partisipa teste no na'in rihun 1.748 la tuir teste, tanba la admitidu iha selesaun dokomentus. iha teste refere, 568 mak pasa, nune’e, ministeriu sei koloka urjensia ba eskola sira ne’ebé menus manorin.
“Iha ona 568, ita nia kandidatus ne’ebé pasa, ida ne’e urjentemente Ministeriu Edukasaun sei halo kolokasaun urjentemente tanba pasa ona,” dehan Prezidente juri iha Salaun KFP Matadoru, Sesta (19/04).
Nia akresenta, kandidatura ne’ebé pasa iha teste ne’e kompostu husi feto 332 no mane na’in 236.
Husi dadus ne'e, fahe ba grupu rekrutamentu sira hanesan, Pre-eskolar ema na’in 34, Ensinu Baziku primeiru ho segundu siklu 170, Ensinu Baziku terseiru siklu iha lian tetum 62, Portugués 106, Ingles 48, Matemátika 45, Siensia Sosiais 38, Siénsia Naturais 30 no Dezenvolvimentu Pesoal 38.
Entretantu, atu halo rekrutamentu foun bolsa kandidata, ministériu sei koloka hotu sira ne'ebé liu ona teste, hafoin determina fali medidas tuir mai, hodi kompleta vaga refere.
Enkuantu, vaga ne’ebé ME loke hamutuk 2.400 ne’e kompostu husi Pre-eskolar vaga ba ema 200, Ensinu Báziku primeiru ho segundu siklu 1000, Ensinu Báziku terseiru siklu iha lian Tetum 150, Portugués 150, Ingles 100, Matemátika 200, Siénsia Sosiais 200, Siénsia Naturais 200 no Dezenvolvimentu Pesoál 200.

Rate this item
(0 votes)

Independente Digital TV

Tuir ami iha Twitter

Kalendariu Notisia

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31