Items filtered by date: Sexta, 16 Janeiru 2026

DILI: Primeiru Ministru, Kay Rala Xanana Gusmão deklara, la simu ho asaun Diresaun Servisu Investigasaun Kriminál Nasionál, Polísia Nasional Timor-Leste, ne’ebé tau borgol ba Reitor Universidade Nasionál Timor Lorosa’e, João Soares Martins, bainhira halo buska, aprensaun no detensaun.

DILI: Vise Ministra Finansas, Felicia Claudina da Cruz Carvalho, ofisialmente hato’o ninia karta rezignasaun. Karta refere hato’o ba Primeiru Ministru, Kay Rala Xanana Gusmão, iha 14 Janeiru 2026.

IHA 14 Janeiru 2026 loraik, delegasaun husi instituisaun media iha Timor-Leste hateke ba pista aviaun Aeroportu Internasional I Gusti Ngurah Rai ho sentimentu ne’ebé kahur: entusiazmu, kuriozidade, no esperansa. Media Tour 2026 laos de’it mudansa jeografiku husi Dili ba Bali, maibé espasu aprendizajen transfronteira ba media Timor-Leste hodi lee hikas istória, dezafiu, no futuru jornalizmu nian iha era konverjénsia media.

DILI: Governu konstitusional dasia planu atu harii edifisiu andar tolu ba utilizasaun servisu orgaun komunikasaun sosial, hanesan Ajensia Tatoli IP, no asosiasaun jornalista sira iha Timor-Leste.

DILI: Komisaun C Parlamentu Nasionál ne’ebé trata asuntu Finansas Publiku, alerta katak desizaun Konsellu Ministru hodi aloka tokon $4.5 husi Orsamentu Jeral Estadu 2026 hodi selu salariu mensal no ‘gaji 13’ 2025 nian bele fó impaktu boot ba implementasaun OJE 2026, no bele iha posibilidade akontese tan kazu hanesan iha tinan ne’e nia rohan.

DILI: Vise Primeiru Ministru, Francisco Kalbuadi hatete, Primeiru Ministru Kay Rala Xanana Gusmão fó orientasaun katak tinan 2026 nu’udar tinan asaun tan ne’e governu sei konsentra liu atu dudu ekonomia nasional ba oin.

DILI: Ministru Ensinu Superior, Siénsia no Kultura (MESSK), José Honório da Costa, manifesta lamentasaun ba detensaun ne’ebé Polisia Nasionál Timor-Leste halo ba Reitor, Vise Reitor, Administradór Jeral, no dirijente Universidade Nasionál Timor Lorosa’e na’in haat seluk.

DILI: Komisariu Komisaun Anti Korrupsaun, Rui Pereira dos Santos hatete, KAK hetan presaun husi politiku nain sira, maibépresaun ne’e sei la deminui espiritu servisu KAK nian iha luta prevene no kombate korrupsaun, tuirlei númeru 7/2020, Medidas Prevensaun no Kombate Korrupsaun.