Tuir Dekretu Prezidensiál No. 21/2026 ne'ebé Media INDEPENDENTE asesu husi Jornal da Republika, iha loron Kuarta (04/02/2026), ezonera ba Laura Soares Abrantes husi kargu reprezentante permanente Repúblika Demokrátika Timor-Leste ba komunidade nasaun sira li’an portugues.
Desizaun Prezidente Republika, ezonera Laura soares Abrantes Abrantes husi kargu reprezentante permanente Repúblika Timor-Leste ba CPLP hodi nomea fali Maria Natália Guterres Viegas Carrascalão da Conceição Antunes assume fali kargu reprezentante permanente Repúblika Timor-Leste ba CPLP.
Bazeia ba konstituisaun Repúblika Demokrátika Timor-Leste ne’ebé fó ba Prezidente Repúblika nomea poder iha kampu no relasaun internasionál hasai Embaixadór sira, reprezentante permanente sira no enviadu estraordináriu sira, tuir proposta hosi Governu, tuir ninia artigu 87.º, alínea b) nia dispozisaun).
Prezidente Repúblika, tuir artigu 87, alínea b) Konstituisaun Repúblika Demokrátika Timor-Leste nian, dekreta Laura Soares Abrantes hetan ezonerasaun husi kargu nu’udar Reprezentante Permanente Repúblika Demokrátika Timor-Leste nian ba Komunidade País sira Lian Portugés nian.
Nune’e, nomea fali Maria Natalia Guterres Veigas Carrascalão Conceição Antunes ba kargu reprezentante permanente Repúblika Demokrátika Timor-Leste ba Komunidade pais lian portugues.
Dekretu ida ne’e, sei iha efeitu bainhira públika Prezidente Repúblika José Ramos Horta asina iha Palásiu Prezidensiál Nicolau Lobato, iha loron 4 fulan Marsu tinan 2026.
