Nia hatete, bainhira povu fó fiar sai prezidente Repúblika maka oinsá atu tau orsamentu boot ba má-nutrisaun ne'ebé oras ne'e povu sei sofre hela.
"Iha Timor-Leste má-nutrisaun barak tebes… Ita sei tau orsamentu boot ba sira, ha’u sei haree ida ne'e iha munisípiu hotu-hotu bainhira ha’u eleitu ba Prezidente Repúblika," dehan Berta iha Glenu-Ermera, horisehik.
Lori Berta Foho-Oan Ba PR
Iha fatin hanesan, konseleiru legal Partidu KHUNTO , Manuel Tilman hatete, di'ak liu povu Ermera hili Armanda Berta dos Santos ne'ebé mai husi husi foho-oan atu sai Xefe Estadu.
Nia dehan, to'o ona tempu buibere foho oan ida ne'ebé mai ho lisan TL nian atu tenke ba tur iha Palasiu Prezidente ba periodu 2022 to'o 2027.
