Nia dehan, nasaun ne'e ukun aan tinan 20 ona maibé dalan barak mak sei aat, iha teritoriu laran tomak. Hanesan mós sai maka agora daudaun akontese iha Postu Administrativu Manufahi.

"Husi kruzamentu mai Turiscai… ita hare trisiti tebes. Iha tinan kotuk ha'u mai estrada kondisaun aat hanesan ne'e hela, infelismente ohin ha'u mai haree estrada hanesan de'it kuaze aat liután,” dehan nia, iha Postu Adminitrativu Turiscai, Segunda (7/3).

Ne’e duni, bainhira povu iha Turiscai fó fiar nia sa'e ba Prezidente Republika, sei esforsu atu implementa liafuan Proklamador TL, Avó Xavier nian katak, hamaran povu nia mataben no hapara povu nia terus.

Transforma Joven

Enkuantu, kandidatu ne’e iha mehi bo'ot ba foin-sa'e timoroan sira mak hakarak atu transforma sira sai matenek hodi dezenvolve Timor-Leste sai nasaun dezenvolve hanesan mós nasaun seluk.

Nia dehan, bainhira povu Timor-Leste fó poder ba nia Prezidente Republika, sei tau prioridade aas liu ba edukasaun liu-husi nia influensia nu'udar Prezidente Repúblika sei servisu hamutuk ho governo ne'ebé de’it mak ukun atu bele haruka estudante ho kuantidade boot ba eskola iha nasaun dezenvolvidu sira hanesan alternativa ida ba nasaun nia futuru.