Domingu, 05 Dezembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-12-04&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Kareta ne'ebe UNICEF ho Governu Australia oferese ba MS. Foto:Grigoriu/INDEPENDENTE. Kareta ne'ebe UNICEF ho Governu Australia oferese ba MS. Foto:Grigoriu/INDEPENDENTE.

UNICEF ho Governu Australia Entrega Kareta 21 ba MS

DILI: Fundus nasaun unidas ba labarik (UNICEF-sigla ingles) hamutuk ho Governu Australia liu husi nia Embaixadór iha Timor-Leste, entrega kareta hamutuk 21 ba Ministeriu Saude (MS) hodi fasilita servisu saúde.

Reprezentante UNICEF iha Timor-Leste, Bilal Durrani hateten, kareta 21 ne'e sei uza ba apoiu monitorizasaun, supervizaun ba imunizasaun no maternidade ba bebe ne’ebé foin moris no programa saúde infantil nian no mós hodi halo distribuisaun produtu sira relasiona ho servisu saúde husi nivel munisipiu ba sentru saúde primaria sira.

Nune'e, kareta ne'ebe entrega ba MS mak hanesan Toyota Hilux 16 no kareta Truk Box Mitsubitshi 5.

Ho nune'e, kareta Toyota Hilux 16 ne'e,  13 sei desloka ba 12 Munisipiu inklui Rejiaun Administrativu Espesial Oekuse Ambeno (RAEOA) hodi apoia imunizasaun no maternidade ba bebe foin moris no programa saúde labarik.

Enkuantu, kareta rua ne’e sei koloka ba programa imunizasaun sira iha nasional no SAMES, no Toyota Hilux ida sei apoia vasina no distribuisaun produtu sira relasiona ho saúde, formasaun, supervizaun no Monitorizasaun.

Aleinde, kareta Truk Box Mitsubitshi 5 hodi apoia armazen servisu saúde rejional kona-ba distribuisaun produtu farmaseutiku ba servisu saúde sira.

Entretantu, UNICEF, ho fundus husi governu Australia sei apoia Ministeriu Saúde nia programa imunizasaun, Departamentu biomedical no SAMES ba programa monitorizasaun no supervizaun inklui vasinasaun Covid-19.

Iha fatin hanesan, Ministra Saúde Odete Maria Freitas Belo relata, apoiu hirak ne'e bele fasilita ona vasina ka atende komunidade sira iha Munisipiu no Kapital.

 Nia hatutan, ho apoiu hirak ne'e espera katak kada Munisipiu sei atende masimu no laiha razaun katak laiha fasilidade ka transporte.

“Espera katak kareta ne'e bele ajuda ita hodi melhora liu-tan lori vasina ne'e ba Munisipiu ida-idak hodi komunidade sira bele vasina,”hakotu Odete.

 

Asistente Editor: Saturnina da Costa

Read 228 times
Rate this item
(0 votes)