“Tanba ne’e mak ita inisia ona iha tinan 2018-2019  tau hela orsamentu no ekipamentu balun agora iha-ne’e maibé oinsa mak governu atu harii klinika kurasaun,” Vise Ministru Saúde Bonifácio Maucoli dos Reis hateten iha edifisiu SAMES Kampung Alor,  Segunda (01/08/2022).

Ekipamentu sira ne’e governu halo hela kolaborasaun ho Ahil no daudaun ne’e prosesu la’o hela espera katak iha fulan Agostu nia laran ekipamentu sira ne’e bele instala ona.

Kona-bá  moras operasaun sira ne’e, iha tinan 2023  bele halo iha ne’e, nune’e bele redús moras transferénsia, agora atu inisia mós kona-bá moras kankru haree hela fatin balun iha HNGV  atu la bele ona halo transferénsia  ba rai liur tanba kustu ne’ebé bo’ot.

Kada tinan, Governu gasat osan ba transferensia pasiente por volta millaun $10, maibé dala ruma iha tán dividas, tanba daudaun ne’e tranferénsia moras iha rai liur ne’e hamutuk 400-resin.

Antes ne’e Diretór nasional Orsamentu no Jestaun finannsas iha MS Miguel Maria hateten, Ezekusaun OJE ba MS ba trimestre segundu nian ba data ikus iha jullu  ne’e ezekuta  ona nia aktualidade ne’e iha  47.9% .