Diretór Jerál MTK, Gaspar de Araujo hatete, preparasaun ba prosesu produz Voucher kompletu ona hodi hein de'it atu marka loron hodi fahe.

"Ita buka meius para molok loron 20 Outubru 2022 ita fahe ona subsidiu kombustivel 300 litru ba kada transporte públiku sira, maibé pasensia hein oituan tanba ami sei prosesu pagamentu ba kompaña ne’ebé fahe ona voucher iha faze primeiru nian, "dehan Gaspar de Araujo ba Jornalista INDEPENDENTE liu husi via Telefone, (06/10).

Nia dehan, bainhira governu fahe ona voucher mak fulan ida ne'e motorista sira la konsege uza hotu loron invalidu mak sei buka meius para bele fó tempu hodi ezekuta hotu.

Tuir nia, kompaña liu 20 resin mak atu fahekKombustivel iha territóriu tomak ho númeru benefisiáriu ne'ebé molok ne'e simu ona iha faze primeiru.

Totál Orsamentu ne'ebé governu prepara ba faze daruak hamutuk kuaze millaun $ 1.

Molok ne'e, motorista mikrolete 01, Lorensio Oracio Fernandes hatete, hafoin Governu implementa subsidiu kombustivel sira sente Kaman, maibé agora dadauk folin kombustivel kontinua sa'e makas.

"Ami hanoin governu fahe lalais ona voucher ba subsídiu konbustivel ne’e, tanba agora mina mós sei karun nafatin. Uluk fahe mós tarde, ami uza semana ida de'it no ha'u nia kolega sira ense mina la hotu data invalidu ona," tenik nia.

Momentu sira simu subsídiu,nia parte Ba Ense Kombustivél iha Abastesimentu kuluhun no tenke hein hadau malu tanba krize Mina husi Pertamina Internasionál.

Iha Parte seluk Motorista Bus Nazapitileti husi Lospalos Nazario Malaquias Sanches hatete,subsidiu ne'ebé sira simu atu hakmaan hodi labele hasa'e tarefa maibé sira kontinua sai vitima tanba uza de'it loron ida ho balun hotu ona.

"ami Bus sira ne'e se  Dili ba Lospalos ( pepe ) Ba Fila kedas entaun loron ida ho balun de'it hotu ona maibé ami kontinua vitima tanba Mina Folin sa'e nafatin pasajeiru sira mós selu normál $ 8.00 dolar" dehan nia.